Wp/blk/ကမ္ဘာႏရန်ႏသူႏ

< Wp‎ | blkWp > blk > ကမ္ဘာႏရန်ႏသူႏ

ကမ္ဘာႏရန်ႏသူႏ ၁။ ကမ္ဘာႏရန်ႏသူႏ - မဟဝ်ဗူႏ၊ အွဥ်ႏညာꩻညာꩻဝင်ꩻ - ရန်ႏယံကင်ꩻ။

၂။ ဝွေꩻနမ်းထာꩻယူႏ - ခွေမထူႏ၊ ခွေမာꩻတမျိုꩻ - ဝွေꩻသမ်းရိုꩻ။

၃။ ဝွေꩻနဝ်ꩻဖြေꩻစာ - မီႏလꩻအာ၊ ခွေထွားမရော့ꩻ - နွို့ယားသော့ꩻ။

၄။ ခွေအဝ်ႏလိုႏလဲ့ - ဝွေꩻထွို့ꩻထဲ့၊ ဝွေꩻအဝ်ႏဖွို့သဲင် - ခွေသမ်းစဲင်း။

၅။ ဝွေꩻမီႏဒါႏဉာဏ်ႏ - ခွေမခံႏ၊ ခွေမီႏဒါႏအာ - ဝွေꩻယားချာ။

၆။ ဝွေꩻဒေါ့ꩻထာꩻလက်ꩻ - ခွေတဒက်ꩻ၊ ခွေဒေါ့ꩻထာꩻမွေး - ဝွေꩻနွို့ခေး။

၇။ ခွေထာꩻဒို့ꩻလွံꩻ - ဝွေꩻတခွန်ꩻ၊ ဝွေꩻထာꩻအမ်ႏဆေ့ꩻ - ခွေထူႏတေ့ꩻ။

၈။ ဝွေꩻဖိုးအဝ်ႏလီ - ခွေမာꩻသီ၊ ခွေဖိုးအဝ်ႏဗူႏ - ဝွေꩻသမ်းထူႏ။

၉။ ဝွေꩻလွေꩻတဖူꩻ - ခွေမစူꩻ၊ ခွေတထူꩻလဲ့ - ဝွေꩻယားတဲ့။

၁၀။ ခွေခြံထာꩻအံႏ - ဝွေꩻယားထန်ႏ၊ ဝွေꩻခြံဖူꩻကို - ခွေယားယို။

၁၁။ ခွေဟော်ꩻလွောင်ႏဗူႏ - ဝွေꩻမထူႏ၊ ဝွေꩻဟော်ꩻကံဒဝ် - ခွေမွန်ꩻဟဝ်။

၁၂။ ဝွေꩻဟော်ꩻဖုဲင်းကုက် - ခွေမကျွိုက်၊ ခွေဟော်ꩻယာလံ - ဝွေꩻမကံ။

၁၃။ ခွေဟာ်ꩻကုသိုလ်ႏ - ဝွေꩻမလိုႏ၊ ဝွေꩻဟော်ꩻပညာ - ခွေမနာႏ။

၁၄။ ခွေမာယံမꩻ - ဝွေꩻမဲန်လꩻ၊ ဝွေꩻမာအဝ်ႏဗေ့ꩻ - ခွေဒေါ့ꩻတေ့ꩻ။

၁၅။ ဝွေꩻပိုအွꩻအံႏ - ခွေသꩻထန်ႏ၊ ခွေမာခြွိုင်းကꩻ - ဝွေꩻမဲန်လꩻ။

၁၆။ ကမ္ဘာႏရန်ႏသူႏ - ဟဝ်မတ်ထူႏ၊ သွတ်ꩻလင်ꩻထွူမွေး - လောင်ꩻသီးဟွေး။

ပိုခိုမောင်ႏ နာႏသွော့ ၁။ လွူးသက်နမ်းတာႏ - သွဥ်ပညာႏ၊ ကျိုꩻစာꩻရွက်ဆောင်ႏ - ပိုခိုမောင်ႏ။

၂။ ပညာႏမီႏဒါႏ - ထွာချမ်ꩻသာႏ၊ ချာငါမယောင်ႏ - ပိုခိုမောင်ႏ။

၃။ အမျာꩻဖူꩻကို - ပညာႏယို၊ တင်ႏတယ်ႏအရောင်ႏ - ပိုခိုမောင်ႏ။

၄။ ပညာႏရောင်ႏအာ - နုဲင်းမွူးလာ၊ သတင်ႏကျောႏခေါင်ႏ - ပိုခိုမောင်ႏ။

၅။ သီဒါႏဉာဏ်ႏလဲ့ - မွိုးဖါတဲ့၊ မဲ့ငါလေရောင်ႏ - ပိုခိုမောင်ႏ။

၆။ သီအွꩻဒဝ်ထီ - မွိုးဖါနီ၊ တရေꩻပေႏဆောင်ႏ - ပိုခိုမောင်ႏ။

၇။ ဆင်ꩻရယ်ꩻအီဒါႏ - ကုက်ခရာႏ၊ ဖုဲင်းနဝ်ꩻလဲ့သျောင်ႏ - ပိုခိုမောင်ႏ။

၈။ ထာꩻခွုမ်ထာꩻမာꩻ - သီကျိုꩻစာꩻ၊ အားထုတ်ရွက်ဆောင်ႏ - ပိုခိုမောင်ႏ။

၉။ ရွဥ်ခံꩻကꩻကွဥ် - ဆင်ႏချင်ႏသွဥ်၊ သုင်ꩻဖျုင်ꩻနဝ်ꩻသျောင်ႏ - ပိုခိုမောင်ႏ။

၁၀။ ဖူးပေႏဝေးတန် - နေးကယံ၊ အားထုတ်ရွက်ဆောင်ႏ - ပိုခိုမောင်ႏ။

၁၁။ လိုꩻ(တန်)ခိုဆꩻငါ - အုံအဝ်ႏခါ၊ ယောင်းခင်ႏနဝ်ꩻသျောင်ႏ - ပိုခိုမောင်ႏ။

၁၂။ လိုꩻတန်ဒေါ့ꩻရီ - အွီႏငဝ်းထီ၊ ဒေါ့ꩻရီသုံꩻဆောင်ႏ - ပိုခိုမောင်ႏ။

၁၃။ သီအုံညီꩻလဲ့ - သွꩻပေႏတဲ့၊ ငဝ်းမွိုက်ရွိုင်ꩻသျောင်ႏ - ပိုခိုမောင်ႏ။

၁၄။ မွိုးဖါထာꩻမာꩻ - သီကျိုꩻစာꩻ၊ ပျောႏသွင်ႏရွက်ဆောင်ႏ - ပိုခိုမောင်ႏ။

၁၅။ ပိုခို ပိုခို - မွိုးပိုခို၊ ငဝ်းဆုမ္မꩻဆောင်ႏ - ပိုခိုမောင်ႏ။[1][2]

အာႏကွိုꩻEdit

  1. စင်ꩻတန်ဓမ္မသာမိတဲမ်းပြန်ႏ
  2. သိင်္ဂါလောဝါဒသုတ်လင်္ကာႏတွမ်ႏငဝ်းဆုမ္မꩻလင်္ကာႏ