Wp/blk/ကမာꩻနွောင်ꩻနီ-ဝင်ꩻအကျိုꩻ

< Wp‎ | blkWp > blk > ကမာꩻနွောင်ꩻနီ-ဝင်ꩻအကျိုꩻ

"အလံသုတ် (ကမာꩻနွောင်ꩻ နီအကျိုꩻစီꩻပွါꩻ-ဝင်ꩻအကျိုꩻစီꩻပွါꩻ)" ဗွေႏသာရိပုတ္တရာႏ ဟော်ꩻဖေႏ ရဟန်ꩻသီးဖုံႏတရာꩻနုဲင်းယို- ဗွေႏပေႏသီးဖုံႏဟွေး- သာႏသနာႏတောႏကိုယို ရဟန်ꩻ(တပါꩻ)နဝ်ꩻ- ၁။ (က) ထုမ်ႏရီမွိုင်ကြွိုင် ကုသိုလ်ႏဒါႏဒျာႏ၊ တောင်ꩻခါꩻနွောင်ꩻဒျာႏ၊ (ခ) ကနာႏဖိုလဲဥ်း တရာꩻဖုံႏနဝ်ꩻ တောင်ꩻခါꩻဒျာႏ၊ နုဲင်းစွဥ်ႏကဒါႏအွံ၊ (ဂ) ကတောင်ꩻခါꩻ တရာꩻဖုံႏနဝ်ꩻ ယူႏဆင်ႏချင်ႏ အနက်အဓိပ္ပါယ်ႏတဲ့ ဖြောင်ဒျာႏ၊ (ဃ) ယူႏဆင်ႏချင်ႏ ကဖြောင်အတွိုင်ꩻ (တရာꩻအတွိုင်ꩻ) ကျင်ꩻလွဥ်ꩻမဲဥ်ႏမဲဥ်ႏဒျာႏ၊ (င) ဒေါ့ꩻထာꩻဖုဲင်ႏနာႏ၊ ဖြွောင်ႏငါႏ-ဒွေါင်ႏသျင်ꩻ၊ ဝင်ꩻသေနာႏယိုꩻ၊ (စ) နေးတွမ်ႏ ငေါဝ်းဟောဝ်ငွါဒါႏ ဖေႏအာႏဒေါ့ꩻဖေႏဝင်ꩻ၊ ရဟန်ꩻနဝ်ꩻနဝ်ꩻ ဗွေတွမ်ႏတရာꩻဖုံႏယို သူမျိုꩻလုမ်းတဲင် နမ်းတာႏအကျိုꩻစီꩻပွါꩻတဲ့ ကျင်ꩻနွောင်ꩻ-မာꩻနွောင်ꩻ၊ ဝင်ꩻတာႏအကျိုꩻစီꩻပွါꩻတဲ့ ကျင်ꩻနွောင်ꩻ-မာꩻနွောင်ꩻနောဝ်ꩻသွူ။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ- ၂။ (က) ထုမ်ႏရီမွိုင်ကြွိုင် ကုသိုလ်ႏဒါႏတဝ်း၊ တောင်ꩻခါꩻနွောင်ꩻတဝ်း၊ (ခ) ကနာႏဖိုလဲဥ်း တရာꩻဖုံႏနဝ်ꩻ တောင်ꩻခါꩻဒျာႏ၊ နုဲင်းစွဥ်ႏကဒါႏအွံ၊ (ဂ) ကတောင်ꩻခါꩻ တရာꩻဖုံႏနဝ်ꩻ ယူႏဆင်ႏချင်ႏ အနက်အဓိပ္ပါယ်ႏတဲ့ ဖြောင်ဒျာႏ၊ (ဃ) ယူႏဆင်ႏချင်ႏ ကဖြောင်အတွိုင်ꩻ (တရာꩻအတွိုင်ꩻ) ကျင်ꩻလွဥ်ꩻမဲဥ်ႏမဲဥ်ႏဒျာႏ၊ (င) ဒေါ့ꩻထာꩻဖုဲင်ႏနာႏ၊ ဖြွောင်ႏငါႏ-ဒွေါင်ႏသျင်ꩻ၊ ဝင်ꩻသေနာႏယိုꩻ၊ (စ) နေးတွမ်ႏ ငေါဝ်းဟောဝ်ငွါဒါႏ ဖေႏအာႏဒေါ့ꩻဖေႏဝင်ꩻ၊ ရဟန်ꩻနဝ်ꩻနဝ်ꩻ တရာꩻသူမျိုꩻကို (က)တမျိုꩻနဝ်ꩻ လꩻတဝ်းစွဥ်ႏတဲ့ ဗွေတွမ်ႏတရာꩻငတ်ꩻမျိုꩻတွော့ꩻ နမ်းတာႏအကျိုꩻစီꩻပွါꩻတဲ့ ကျင်ꩻနွောင်ꩻ-မာꩻနွောင်ꩻ၊ ဝင်ꩻတာႏအကျိုꩻစီꩻပွါꩻတဲ့ ကျင်ꩻနွောင်ꩻ-မာꩻနွောင်ꩻနောဝ်ꩻသွူ။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ- ၃။ (က) ထုမ်ႏရီမွိုင်ကြွိုင် ကုသိုလ်ႏဒါႏဒျာႏ၊ တောင်ꩻခါꩻနွောင်ꩻဒျာႏ၊ (ခ) ကနာႏဖိုလဲဥ်း တရာꩻဖုံႏနဝ်ꩻ တောင်ꩻခါꩻဒျာႏ၊ နုဲင်းစွဥ်ႏကဒါႏအွံ၊ (ဂ) ကတောင်ꩻခါꩻ တရာꩻဖုံႏနဝ်ꩻ ယူႏဆင်ႏချင်ႏ အနက်အဓိပ္ပါယ်ႏတဲ့ ဖြောင်ဒျာႏ၊ (ဃ) ယူႏဆင်ႏချင်ႏ ကဖြောင်အတွိုင်ꩻ (တရာꩻအတွိုင်ꩻ) ကျင်ꩻလွဥ်ꩻမဲဥ်ႏမဲဥ်ႏဒျာႏ၊ (င) ဒေါ့ꩻထာꩻဖုဲင်ႏနာႏတဝ်း၊ ဖြွောင်ႏတဝ်း-သျင်ꩻတဝ်း၊ ဝင်ꩻသေနာႏတဝ်း၊ (စ) နေးတွမ်ႏ ငေါဝ်းဟောဝ်ငွါဒါႏ ဖေႏအာႏတဝ်းဝင်ꩻ၊ ဒေါ့ꩻဖေႏတဝ်းဝင်ꩻ၊ ရဟန်ꩻနဝ်ꩻနဝ်ꩻ တရာꩻသူမျိုꩻကို (င/စ)နီမျိုꩻနဝ်ꩻ လꩻတဝ်း၊ ဗွေတွမ်ႏတရာꩻလစ်ꩻမျိုꩻလွုမ်ꩻတဲင်တွော့ꩻ ကျင်ꩻနွောင်ꩻ-မာꩻနွောင်ꩻဒျာႏ နမ်းတာႏအကျိုꩻစီꩻပွါꩻလွုမ်ꩻ၊ ဝင်ꩻတာႏအကျိုꩻစီꩻပွါꩻနောဝ်ꩻ ကျင်ꩻနွောင်ꩻတဝ်း-မာꩻနွောင်ꩻတောဝ်းနောဝ်ꩻသွူ။ သာႏသနာႏတောႏကိုယို ရဟန်ꩻ(တပါꩻ)နဝ်ꩻ- ၄။ (က) ထုမ်ႏရီမွိုင်ကြွိုင် ကုသိုလ်ႏဒါႏဒျာႏ၊ တောင်ꩻခါꩻနွောင်ꩻဒျာႏ၊ (ခ) ကနာႏဖိုလဲဥ်း တရာꩻဖုံႏနဝ်ꩻ တောင်ꩻခါꩻဒျာႏ၊ နုဲင်းစွဥ်ႏကဒါႏအွံ၊ (င) ဒေါ့ꩻထာꩻဖုဲင်ႏနာႏ၊ ဖြွောင်ႏငါႏ-ဒွေါင်ႏသျင်ꩻ၊ ဝင်ꩻသေနာႏယိုꩻ၊ (စ) နေးတွမ်ႏ ငေါဝ်းဟောဝ်ငွါဒါႏ ဖေႏအာႏဒေါ့ꩻဖေႏဝင်ꩻ၊ ရဟန်ꩻနဝ်ꩻနဝ်ꩻ တရာꩻသူမျိုꩻကို (ဂ/ဃ)နီမျိုꩻနဝ်ꩻ လꩻတဝ်း၊ ဗွေတွမ်ႏတရာꩻလစ်ꩻမျိုꩻလွုမ်ꩻတဲင် ကျင်ꩻနွောင်ꩻ-မာꩻနွောင်ꩻဒျာႏ ဝင်ꩻတာႏအကျိုꩻစီꩻပွါꩻလွုမ်ꩻ၊ နမ်းတာႏအကျိုꩻစီꩻပွါꩻနောဝ်ꩻ ကျင်ꩻနွောင်ꩻတဝ်း-မာꩻနွောင်ꩻတဝ်းနောဝ်ꩻသွူ။ သာႏသနာႏကိုယို ရဟန်ꩻ(တပါꩻ)နဝ်ꩻ- ၅။ (ခ) ကနာႏဖိုလဲဥ်း တရာꩻဖုံႏနဝ်ꩻ တောင်ꩻခါꩻဒျာႏ၊ နုဲင်းစွဥ်ႏကဒါႏအွံ၊ (ဂ) ကတောင်ꩻခါꩻ တရာꩻဖုံႏနဝ်ꩻ ယူႏဆင်ႏချင်ႏ အနက်အဓိပ္ပါယ်ႏတဲ့ ဖြောင်ဒျာႏ၊ (ဃ) ယူႏဆင်ႏချင်ႏ ကဖြောင်အတွိုင်ꩻ (တရာꩻအတွိုင်ꩻ) ကျင်ꩻလွဥ်ꩻမဲဥ်ႏမဲဥ်ႏဒျာႏ၊ ရဟန်ꩻနဝ်ꩻနဝ်ꩻ တရာꩻသူမျိုꩻကို (က/င/စ)သွံမျိုꩻနဝ်ꩻ လꩻတဝ်း၊ ဗွေတွမ်ႏတရာꩻသွံမျိုꩻလွုမ်ꩻတွော့ꩻ ကျင်ꩻနွောင်ꩻ-မာꩻနွောင်ꩻဒျာႏ နမ်းတာႏအကျိုꩻစီꩻပွါꩻလွုမ်ꩻ၊ ဝင်ꩻတာႏအကျိုꩻစီꩻပွါꩻနဝ်ꩻ ကျင်ꩻနွောင်ꩻတဝ်း-မာꩻနွောင်ꩻတဝ်းနောဝ်ꩻသွူ။ သာႏသနာႏကိုယို ရဟန်ꩻ(တပါꩻ)နဝ်ꩻ- ၆။ (ခ) ကနာႏဖိုလဲဥ်း တရာꩻဖုံႏနဝ်ꩻ တောင်ꩻခါꩻဒျာႏ၊ နုဲင်းစွဥ်ႏကဒါႏအွံ၊ (င) ဒေါ့ꩻထာꩻဖုဲင်ႏနာႏ၊ ဖြွောင်ႏငါႏ-ဒွေါင်ႏသျင်ꩻ၊ ဝင်ꩻသေနာႏယိုꩻ၊ (စ) နေးတွမ်ႏ ငေါဝ်းဟောဝ်ငွါဒါႏ ဖေႏအာႏဒေါ့ꩻဖေႏဝင်ꩻ၊ ရဟန်ꩻနဝ်ꩻနဝ်ꩻ တရာꩻသူမျိုꩻကို (က/ဂ/ဃ)သွံမျိုꩻနဝ်ꩻ လꩻတဝ်း၊ ဗွေတွမ်ႏတရာꩻသွံမျိုꩻလွုမ်ꩻတဲင်တွော့ꩻ ကျင်ꩻနွောင်ꩻ-မာꩻနွောင်ꩻဒျာႏ ဝင်ꩻတာႏအကျိုꩻစီꩻပွါꩻလွုမ်ꩻ၊ နမ်းတာႏအကျိုꩻစီꩻပွါꩻနဝ်ꩻ ကျင်ꩻနွောင်ꩻတောဝ်း-မာꩻနွောင်ꩻတောဝ်းနောဝ်ꩻသွူ။ သာႏသနာႏကိုယို ရဟန်ꩻ(တပါꩻ)နဝ်ꩻ- ၇။ (ဂ) ကတောင်ꩻခါꩻ တရာꩻဖုံႏနဝ်ꩻ ယူႏဆင်ႏချင်ႏ အနက်အဓိပ္ပါယ်ႏတဲ့ ဖြောင်ဒျာႏ၊ (ဃ) ယူႏဆင်ႏချင်ႏ ကဖြောင်အတွိုင်ꩻ (တရာꩻအတွိုင်ꩻ) ကျင်ꩻလွဥ်ꩻမဲဥ်ႏမဲဥ်ႏဒျာႏ၊ ရဟန်ꩻနဝ်ꩻနဝ်ꩻ တရာꩻသူမျိုꩻကို (က/ခ/င/စ)လစ်ꩻမျိုꩻနဝ်ꩻ လꩻတဝ်း၊ ဗွေတွမ်ႏတရာꩻနီမျိုꩻလူမ်ꩻတဲင် ကျင်ꩻနွောင်ꩻ-မာꩻနွောင်ꩻဒျာႏ နမ်းတာႏအကျိုꩻစီꩻပွါꩻလူမ်ꩻ၊ ဝင်ꩻတာႏအကျိုꩻစီꩻပွါꩻနဝ်ꩻ ကျင်ꩻနွောင်ꩻတောဝ်း-မာꩻနွောင်ꩻတောဝ်းနောဝ်ꩻသွူ။ သာႏသနာႏကိုယို ရဟန်ꩻ(တပါꩻ)နဝ်ꩻ- ၈။ (င) ဒေါ့ꩻထာꩻဖုဲင်ႏနာႏ၊ ဖြွောင်ႏငါႏ-ဒွေါင်ႏသျင်ꩻ၊ ဝင်ꩻသေနာႏယိုꩻ၊ (စ) နေးတွမ်ႏ ငေါဝ်းဟောဝ်ငွါဒါႏ ဖေႏအာႏဒေါ့ꩻဖေႏဝင်ꩻ၊ ရဟန်ꩻနဝ်ꩻနဝ်ꩻ တရာꩻသူမျိုꩻကို (က/ခ/ဂ/ဃ)လစ်ꩻမျိုꩻနဝ်ꩻ လꩻတဝ်း၊ ဗွေတွမ်ႏတရာꩻနီမျိုꩻလွုမ်ꩻတွော့ꩻ ကျင်ꩻနွောင်ꩻ-မာꩻနွောင်ꩻဒျာႏ ဝင်ꩻတာႏအကျိုꩻစီꩻပွါꩻလူမ်ꩻ၊ နမ်းတာႏအကျိုꩻစီꩻပွါꩻနဝ်ꩻ ကျင်ꩻနွောင်ꩻတောဝ်း-မာꩻနွောင်ꩻတောဝ်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ အလံသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၃၀၅/၆)