Wp/blk/ကမဉ်လꩻငါႏနဝ်ꩻအဝ်ႏငတ်ꩻမျိုꩻ

< Wp‎ | blk(Redirected from Wp/blk/ကမဥ်လꩻငါႏနဝ်ꩻအဝ်ႏငတ်ꩻမျိုꩻ)
Wp > blk > ကမဉ်လꩻငါႏနဝ်ꩻအဝ်ႏငတ်ꩻမျိုꩻ

"ဣဋ္ဌသုတ် (လောကကိုယို လိုꩻကမဥ်လꩻငါႏနဝ်ꩻ အဝ်ႏငတ်ꩻမျိုꩻ)" အတွင်ꩻနဝ်ꩻခါ အနာႏထပိဏ်ႏသဌေꩻ ထင်ႏထေ့ဗွေႏဘုရာꩻ၊ ဝုဲင်ႏဗွေႏဘုရာꩻထွူ ဗွေႏဘုရာꩻဟော်ꩻဖေႏတရာꩻနုဲင်းယို- "ကျောင်ꩻတကာႏ- လောကလိုꩻခမ်းယို လိုꩻကမဥ်ꩻလꩻငါႏ၊ ကနစ်သက်ငါႏ၊ ကကျွိုက်သꩻငါႏနဝ်ꩻ အဝ်ႏငတ်ꩻမျိုꩻ- ၁။ အာယု ဣဋ္ဌော လောကသ္မိံ- လောကကိုယို လိုꩻမဥ်လꩻ သက်ဆွာꩻလွဥ်းလွဥ်း။ ၂။ ဝဏ္ဏော ဣဋ္ဌော လောကသ္မိံ- လောကကိုယို လိုꩻမဥ်တရေꩻထာꩻလွဥ်းလွဥ်း။ ၃။ သုခံ ဣဋ္ဌံ လောကသ္မိံ- လောကကိုလို လိုꩻမဥ်လꩻ ထာꩻချမ်ꩻသာႏလွဥ်းလွဥ်း။ ၄။ ယသော ဣဋ္ဌော လောကသ္မိံ- လောကကိုယို လိုꩻမဥ်လꩻ အချွေႏအရံႏအာလွဥ်းလွဥ်း။ ၅။ သဂ္ဂါ ဣဋ္ဌာ လောကသ္မိံ- လောကကိုယို မဥ်ႏသီတနီꩻခါသူꩻ မဥ်တွိုႏလူꩻခမ်းလွဥ်းလွဥ်း။ နစ်သက်၊ ကျွိုက်သꩻ၊ လိုꩻကမဥ်လꩻနဝ်ꩻ အဝ်ႏငတ်ꩻမျိုꩻနုဲင်းနောဝ်ꩻသွူ။ ကျောင်ꩻတကာႏဟွေး- ၁။ လောကကိုယို မီႏမဥ်လꩻသက်ထိုနဝ်ꩻ သက်ကထိုအီဒါႏ အကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဥ်လꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။ ၂။ လောကကိုယို မီႏမဥ်တရေꩻနောဝ်ꩻ ကတရေꩻအီဒါႏ အကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဥ်တရေꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။ ၃။ လောကကိုယို မီႏမဥ်လꩻ ထာꩻချမ်ꩻသာႏနဝ်ꩻ ကချမ်ꩻသာႏအီအကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဥ်လꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။ ၄။ လောကကိုယို မီႏမဥ်လꩻ အချွေႏအရံႏအာနောဝ်ꩻ အချွေႏအရံႏ ကအာအီအကျင်ꩻနောဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မဥ်လꩻခြေင်ဗော့ꩻသꩻကိုလွုမ်ꩻနဝ်ꩻ တလꩻနွောင်ꩻတဝ်း။ ၅။ လောကိုယို မဥ်ႏသီတနီꩻခါ မီႏမဥ်တွိုႏထင်ႏလူꩻခမ်းနဝ်ꩻ ကတွိုႏထင်ႏအီဒါႏလူꩻခမ်း အကျင်ꩻနဝ်ꩻ ကျင်ꩻဗာႏ၊ ကျင်ꩻမꩻလꩻနွောင်ꩻ၊ မီႏမဥ်လꩻခြေင်ဗော့ꩻ သꩻကိုလွုမ်ꩻနဝ်ꩻ တလꩻနွောင်ꩻတဝ်း။ လောကကိုယို အီႏလꩻဗာႏ နဝ်ꩻငတ်ꩻမျိုꩻနဝ်ꩻ တယိုꩻတဝ်း၊ မဥ်လꩻခြေင်ဗော့ꩻသꩻကို မဥ်ႏလꩻနွောင်ꩻယိုꩻယိုꩻနုဲင်းနဝ်ꩻနဝ်ꩻ လောကကိုယို မာꩻခရာႏထမုဲင်ꩻမုဲင်ꩻ အမျိုꩻလိုႏနဲ့၊ ကျင်ꩻခရာႏထမုဲင်ꩻမုဲင်ꩻ တလိုႏတဝ်း၊ ကွပ်ပွိုးနဝ်ꩻမꩻ ကျင်ꩻဗာႏ၊ ကျင်ꩻမꩻလꩻ၊ (မာꩻဗာႏကုသိုလ်ႏမꩻ)လꩻနွောင်ꩻနောဝ်ꩻသွူ"။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဥ္စကနိပါတ်၊ ဣဋ္ဌသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၈၁)