Wp/blk/ကဉ်းသဝုဒ်ကျောင်ꩻ၊ ကလောꩻ

< Wp‎ | blkWp > blk > ကဉ်းသဝုဒ်ကျောင်ꩻ၊ ကလောꩻ

ကဉ်းသဝူ့ဒ် အရန်းထိုကျောင်ꩻ (Kingswood High School) နောဝ်ꩻ ထွာ ခရစ်ဆျာန်ႏကျောင်ꩻ မာꩻသာႏသနာႏထာꩻမာꩻ၊ အောဝ်ႏကလောꩻဝေင်ꩻ၊ မန်းခမ်းခြှောန်းဗူႏကို။ ကျောင်ꩻယိုနောဝ်ꩻ ဗှောင်လှောန်ခါꩻ ၁၉၂၈ ကို၊ အှောန်ႏမဉ်ꩻဗွှန်ပီခါꩻ စျွုန်ဝဲတ်သလေ (John Wesley) ကမာꩻခါꩻစ ရီးဒါႏ ကဉ်းသဝူ့ဒ်ကျောင်ꩻ အောဝ်ႏဗော့ꩻ ဘရစ်သတေားလ်၊ ဗြိတိဆျခမ်း ၁၇၄၈ ကို။ ကျောင်ꩻခင်နောဝ်ꩻ လုဲင်းတန်၊ ကျောင်ꩻဖုံႏနောဝ်ꩻ မာꩻခါꩻထာꩻပူႏဖုံႏလောင်း၊ အခါႏကိုနောဝ်ꩻ လှူးခါꩻထာꩻအီႏပေႏခြံ၊ ပတ်ꩻသော့ꩻထာꩻတဒွီႏ (football) ခင်၊ ဘတ်သကဲတ်ဘေားခင် မာꩻ ထာꩻသꩻဗဉ်ႏခါꩻကို၊ မာꩻထာꩻပြင်ႏကိုဖုံႏ အောဝ်ႏခူကျောင်ꩻသှူ။
တဲန်းနစ်သ် ခင် ထာꩻပေါင်ꩻခါꩻနောဝ်ꩻ ပေါႏအောဝ်ႏညာꩻတောဝ်း ကျောင်ꩻတန်၊ ကောင်ပူႏပေႏဖုံႏ အောဝ်ႏခူခါꩻ။ ကျောင်ꩻသား ဗေင်ႏငါအမ်ႏငါ ဘောဒါကိုသားတာႏ ခင်ႏလမ်းအုံဖုံႏ(Hostels for boarding students) နောဝ်ꩻ ပေါင်းလဲန်းညာꩻကျောင်ꩻ။ အမူႏတုမ်ႏ အခို ခင်ႏလမ်းအုံဖုံႏယို အောဝ်ႏရဲးခါꩻတုမ်ႏ တဖူꩻလွေꩻ ကအောဝ်ႏဒါႏ ကောင်ပူႏပေႏဖုံႏ ခါႏကိုသှူ။

ကဉ်းသဝုဒ် အရန်းထိုကျောင်ꩻ
အောဝ်ႏခင်ႏလမ်း
ကလောꩻဝေင်ꩻ, ဖြောဝ်ꩻခမ်း
မျန်မာခမ်း
ကိုဩဒိနိတ်20°37′37″N 96°33′45″E / 20.626948°N 96.562400°E / 20.626948; 96.562400ကိုဩဒိနိတ်: 20°37′37″N 96°33′45″E / 20.626948°N 96.562400°E / 20.626948; 96.562400
သတင်ꩻအလီအလာ
အမျိုꩻအစားပုဂ္ဂလိက
ဗော့ꩻလွေꩻဘာႏသာႏခရာႏ(ဖုံႏ)မဲတ္တဒစ် ခရစ်ဆျာန်ႏကျောင်ꩻ
မာꩻခါꩻ1928
ပေ့ꩻဗဉ်ႏ1966
Genderမူႏ၊ ခို

ကဉ်းသဝူ့ဒ်ကျောင်ꩻနောဝ်ꩻ စိုးရပှိုးလမ်း ပိုႏကဲႏ နေဝေင်း သဲမ်ထူႏမာꩻထွာထိုꩻ ခမ်းသားလꩻခါꩻ (မန်း- ပြည်သူပိုင်သိမ်း) ၁၉၆၆ လာဧပရယ်ကို။ ကျောင်ꩻသားမူႏခိုတုမ်ႏ ဆရာႏဖုံႏနောဝ်ꩻ ကြုဲင်းပသာလွေꩻထိုꩻ စိုးရ အရန်းထိုကျောင်ꩻထှူခါ ကအောဝ်ႏကုဲင်ဒါႏ ကျောင်ꩻခြေင်ယို မာꩻထိုꩻ ကလောꩻ စီတီအုဲင် (Government Technology Institute) ကျောင်ꩻသားပေႏ ဗေင်ႏသော့ꩻတာႏ။ ထှိုင်ႏတှိုႏ ၁၉၈၉ မာꩻငါနောဝ်ꩻ ကလောꩻ GTI ယို နဲင်ႏငံႏတောႏ ခွꩻရျူႏတာႏ ယင်း ပြှူႏတန်တာႏ ကောင်သယ်လ် (မန်း- နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ) စိုးရစှိုꩻ ကြုဲင်းထိုꩻ အေးသာယာ၊ တောင်ႏကီꩻ။ ကအောဝ်ႏကုဲင်ဒါႏ ကျောင်ꩻခင်လုဲင်းတုမ်ႏ ကျောင်ꩻဖုံႏယို မာꩻထိုꩻ တက္ကသိုလ်ႏ ကေားအှောန်စဲ့ လုမ်ꩻလာꩻလိုꩻဆာ ဌာႏန (မန်း-စစ်ဆေးရုံ)၊ ကလောကို နောဝ်ꩻသှူ။

လဉ့်ခ်ကောင်းထန်ႏEdit