Wp/blk/ကဆွုတ်ယွုတ်အီပါꩻတဆီ

< Wp‎ | blkWp > blk > ကဆွုတ်ယွုတ်အီပါꩻတဆီ

"ဗျာကရဏသုတ် (ကဆွုတ်ယွုတ်ဗာႏ အကျောင်ꩻတရာꩻ အပါꩻတဆီ)" ဗွေႏမဟာႏမောဂ္ဂလာန်ႏ ဟော်ꩻထန်ႏနယ်ဖေႏ ဗွေႏရဟန်ꩻသီးဖုံႏတရာꩻနုဲင်းယို- ဗွေႏရဟန်ꩻသီးဖုံႏဟွေး- ၁။ ကောဓနော အယမာယသ္မာ (အယံ+အာယသ္မာ)- ဝွေꩻဗွေႏယိုနဝ်ꩻ 'ဒေါသထန်ႏ-သꩻလျားထာꩻ' အလဲင်ႏပေါင်ꩻအာ၊ မုဲင်ꩻခါခါတဲ့ အထိန်ꩻအသꩻလꩻတဝ်း၊ အလဲင်ႏမုဲင်ꩻမုဲင်ꩻလꩻ အသꩻလျားဒါႏထာꩻ၊ ပေါႏသꩻလျားဒါႏထာꩻနုဲင်းယိုနောဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၂။ ဥပနာဟီ အယမာယသ္မာ- ဝွေꩻဗွေႏယိုနဝ်ꩻ 'အွဥ်ႏဒါႏအပွေႏ' အသꩻကို အွဥ်ႏသေႏသေႏအပွေႏ၊ ပေါႏအွဥ်ႏအပွေႏ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၃။ မက္ခီ အယမာယသ္မာ- ဝွေꩻဗွေႏယိုနဝ်ꩻ 'ယားဒါႏဝင်ꩻကေꩻဇူꩻ'(သေတဝ်းဝင်ꩻကေꩻဇူꩻ) ပေါႏယားဝင်ꩻကေꩻဇူꩻနုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၄။ ပဠာသီ အယမာယသ္မာ- ဝွေꩻဗွေႏယိုနဝ်ꩻ ခေးဒါႏဝင်ꩻဂွုဏ်ႏ၊ အုံထာꩻသꩻအဝ်ႏမဥ်ခေးလို့ဝင်ꩻဂွုဏ်ႏလွုမ်ꩻ၊ ပေါႏသꩻအဝ်ႏခေးလို့ဝင်ꩻဂွုဏ်ႏ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၅။ ဣဿုကီ အယမာယသ္မာ- ဝွေꩻဗွေႏယိုနဝ်ꩻ နာႏလိုႏတဝ်းဝင်ꩻ၊ အုံထာꩻသꩻအဝ်ႏနာႏလိုႏတဝ်းဝင်ꩻလွုမ်ꩻ၊ ပေါႏသꩻအဝ်ႏနာႏလိုႏတဝ်းဝင်ꩻ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၆။ မစ္ဆရီ အယမာယသ္မာ- ဝွေꩻဗွေႏယိုနဝ်ꩻ တကေးဒါႏဝင်ꩻ၊ အုံထာꩻ သꩻအဝ်ႏတကေးဒါႏဝင်ꩻ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၇။ သဌော အယမာယသ္မာ (အယံ+အာယသ္မာ)- ဝွေꩻဗွေႏယိုနဝ်ꩻ သꩻတကဲင်ႏတန်၊ အုံထာꩻအဝ်ႏလွူးသေႏသေႏ သꩻတကဲင်ႏ၊ အုံထာꩻပေါႏအဝ်ႏလွူးသေႏသေႏ သꩻတကဲင်ႏ နုဲင်းယိုနောဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၈။ မာယာဝီ အယမာယသ္မာ- ဝွေꩻဗွေႏယိုနဝ်ꩻ လဲဥ်အံႏဒါႏဝင်ꩻ၊ အုံထာꩻအဝ်ႏမဥ်လဲဥ်အံႏစွဥ်ႏဝင်ꩻလူမ်ꩻ၊ ပေါႏအဝ်ႏမဲဥ်လဲဥ်အံႏဝင်ꩻ နုဲင်းယိုနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၉။ ပါပိစ္ဆော အယမာယသ္မာ- ဝွေꩻဗွေႏယိုနဝ်ꩻ လိုႏဒျာႏထာꩻယွုတ်-ထာꩻကုဲင်တန်၊ အုံထာꩻအဝ်ႏမဥ်လꩻစွဥ်ႏ ထာꩻယွုတ်ထာꩻကုဲင်လူမ်ꩻ၊ ပေါႏအဝ်ႏမဥ်လꩻ ထာꩻယွုတ်ထာꩻကုဲင် နုဲင်းနဝ်ꩻနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ ၁၀။ သတိ ခေါ ပန အယမာယသ္မာ အန္တရာ ဝေါသာနံ အာပန္နော- ဝွေꩻဗွေႏယိုနဝ်ꩻ အဝ်ႏလိုႏလꩻကီကီကတရာꩻ၊ လꩻကွို့ꩻတရာꩻထူꩻ တစိꩻပေႏဒျာႏတဲ့ အွဥ်ႏထွူတရတ်ထိုꩻခန်းဒျာႏ၊ ပေါႏအွဥ်ႏထွူတခြိုထိုꩻတရာꩻ နုဲင်းနဝ်ꩻနဝ်ꩻ နီဗွေႏဘုရာꩻ ဓမ္မဝိနယ (သာႏသနာႏတောႏ)ကိုယို ထွာဒျာႏ ထာꩻဆွုတ်ယွုတ်တန်သွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ဗျာကရဏသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၃၄၈)