Wp/blk/ကကပ်ဗာႏနေးအကျောင်ꩻ

< Wp‎ | blkWp > blk > ကကပ်ဗာႏနေးအကျောင်ꩻ

"သွမ်ꩻဟန်ႏ-စတဲင် အာဟာရ ကကပ်ဗာႏနေးအကျောင်ꩻ"

နီဗွေႏဘုရာꩻ သတင်ꩻသွုံꩻအောဝ်ႏအုံ ဝေႏသာႏလီႏခမ်း တခြာတန်ကို ကျောင်ꩻပျသာဒ်လောင်းအတွင်ꩻ ပွိုင်းဝွို့တွမ်ႏ ရဟန်ꩻတပါꩻတဲင် စီꩻကန်ꩻထေဗာႏ ပညတ်စွဥ်ႏဒျာႏ "ဒန္တပေါနသိက္ခာႏပုဒ်"နောဝ်ꩻသွူ။ ပွိုးအကျောင်ꩻအခရာႏနုဲင်းမုဲင်ꩻနဲတဲင်- ရဟန်ꩻတပါꩻနဝ်ꩻ တကာႏခိုမူႏ ကလူႏနေးနဝ်ꩻ လက်ခံႏတောဝ်း (နေးတောဝ်း)၊ "တဆွိုင်ထိုꩻ လောဘကိလေႏသာႏ" ထိုမ်ႏတွမ်နေးဒျာႏ ဝင်ꩻကဝေါင်းထိုꩻ "တခြိုꩻပံသုကူႏ(ပန်ꩻတကူႏ"ဖုံႏနောဝ်ꩻသွူ။ ရဟန်ꩻနဝ်ꩻတပါꩻနဝ်ꩻ "ယံကယူႏလꩻသေႏသေႏ ထာꩻသီ၊ နီတဲ့ အသုဘတန်ဒျာႏနေနေ"၊ ယံဖေႏနေး ကယိန်းသေနာႏ အုံဒျာႏသင်ႏခဲင်ꩻ၊ အဝ်ႏဆောက်တဲႏနေးထင်ႏ 'သုသာနဓုတင်ႏ'နောဝ်ꩻသွူ။ တွိုႏတနီꩻ- ဝွေꩻဗွေႏ လယ်ႏထိုမ်ႏပံသုကူႏ သင်ႏခဲင်ꩻကို၊ သေင်ႏမွူးဆလ၊ တခါꩻငွါ၊ ထာꩻအီႏပွုမ်ႏခြာ၊ လူꩻခြေင်ႏထျꩻ-စတဲင်နုဲင်းနဝ်ꩻတွော့ꩻ လွေꩻမော့ꩻခန်း "ထာꩻအံႏတင်ႏလူꩻ"၊ ဝွေꩻဗွေႏထင်းယူႏ ပံသုကူႏတဲင် နမ်းတွမ်ႏနမ်း ထူႏအံႏနောဝ်ꩻသွူ။ ကတင်ႏလူꩻသားဖုံႏနောဝ်ꩻရိုꩻ- "နီမွိုးဖြားဖါဖြားသီငါ၊ နီမွိုးဖါသီထိုꩻ၊ နီတင်ႏဖေႏဒျာႏ နီမွိုးဖြားနီဖါဖြားတာႏဒျာႏ၊ နီမွိုးနီဖါတာႏဒျာႏ၊ ပါꩻရဟန်ꩻတပါꩻနဝ်ꩻ ဝင်ꩻဗွေႏတဖေႏတဝ်းတဲ့ နမ်းတွမ်ႏနမ်း မထူႏအံႏထိုꩻတွိုးဟောင်း၊ ပေါႏဝင်ꩻတဖေႏတဝ်းနဝ်ꩻ စောင်းအံႏဒါႏဟောင်း၊ ရဟန်ꩻနဝ်ꩻနဝ်ꩻ အံႏပါဒျာႏ လိုꩻယာႏတန်မတောဝ်" ခွေတဖြောင်းနာꩻတဖြေꩻ ထီႏဖွီသွမ်ꩻသဲ့ꩻ ကဲ့ꩻရဲ့ꩻခွန်းထွမ်၊ အပဲစ်နယ်ပျꩻ-ဒေါ့ꩻတေက်ꩻနျꩻနုဲင်းနဝ်ꩻဖုံႏသွူ။ ရဟန်ꩻထာꩻလိုႏဆေ့ꩻ (လောႏဘဆေ့ꩻ)သား လွေꩻလောဝ်းတေ့ꩻဗွေႏဘုရာꩻ၊ ဟဲ့ꩻလွဥ်ရဟန်ꩻနဝ်ꩻ၊ ဗွေႏဘုရာꩻရီစဲစ်နုဲင်းယို- "ရဟန်ꩻ- ဝင်ꩻဗွေႏတဖေႏတဝ်း (ဝင်ꩻတလꩻကပ်တဝ်း) အာဟာရဖုံႏနဝ်ꩻ နာꩻနမ်းတွမ်ႏနာꩻနမ်း ထူႏအံႏဒျာႏ-ကရိုꩻနောဝ်ꩻ မွေးနေဟောင်း" နီဗွေႏဘုရာꩻ စဲစ်ဆေꩻရီစွဥ်ႏဒျာႏ သံဃာႏငါနုဲင်းနဝ်ꩻတဲင်- "ခွေသွဥ်း ထင်းပံသုကူႏတဲင် နမ်းတွမ်ႏနမ်း ထူႏအံႏဗာႏမွေးအော်" မရုဲင်းတရုဲင်းပေႏ လောဝ်းနီဗွေႏဘုရာꩻနုဲင်းနောဝ်ꩻသွူ။ နီဗွေႏဘုရာꩻရိုꩻ- "ရဟန်ꩻသီးဖုံႏဟွေး- အာဟာရယို ဝင်ꩻတကပ်တဝ်း ပေါႏထူႏအံႏနဝ်ꩻ 'ပါစိတ်အာပတ်ဗာႏ'မိန်းစွဥ်ႏဒျာႏနုဲင်းနဝ်ꩻသွူ။ (၀ိနယ်ꩻပိဋကတ်၊ ပါစိတ်ပါဠိတောႏ၊ ဘောဇနဝဂ်)[1][2]

အာႏကွိုꩻEdit

  1. လိတ်ဗွောင်မဲ့နား(၂၆)
  2. ဗွေႏဗွန်-ကောဝိဒ(သီႏသဲင်ႏ)