Wp/blc/Wally Webber

Tic Snxaluulhla tu staltmc tx alh Snxlh. Wic sWally Webber wa itts’xlhiixw wa skwatstas tx. Mnas tx alh Flossy Webber. Wicanaw Benjie, Maurice, Delayla, Rocky, Brandi, n Christian wa mnmntsis tx. Tsic Delayla tsi qwaxwn tsc.

Smayusta

Kamalhkw’alhtnim wa suncw ats sklhtim tu Yuyulkwmay-tum ti imlk tx n wa acwlh ts c Alhkw’ntam, s7alh7aytimuts c ti snx tc. Klhtim ats ulh ti smt tc, Nusmalhhayc. Kamalhts’kts tx ula anuxum ts, ilaaxaycim tx c tu snx tx, napim c tu skwatsta Snxaluulhla n wa acwlh wa ts’kta. Lhlmskwts’ tx alhtxw, alh Snxlhh. papqtsuts tx ca sSnxaluulhla.

wa su7ulmcs tx

Wic its’ik wa kulhulmc ts alh Snxlhh wa su7ulmcaw wa Snxlhmc ts. Nuqw’iktmacwim wa su7ulmc ats c tu Snxlhhmc ts n wa Tsumuulhmc ts. Nulhnusaw wa staltmc ts alh Snxlhh – Tsic Rhonda Sandoval tsi staltmcaw wa Tsumuulhmc ts.