Wp/blc/Wa axw alhk'yukim wa tsitsipii

Alats'iitumulht wa lhikw'lcaaxtalh ts ca acwlh wa tsitstsipii. alh7ays kuks ala matl'ap ts s7axw luts'n alhnapilh skals ti tsitstsipii spaaxim c ti kal ti skwatsta. Wic wa skwatsta ats wa tsay wa tsitsipiilh wa skwatstalh ts, kamalh7axw alhnapilh swals spaaxim.

tic ma t'ayc ti qwlilc7ana tc

ti Qwlilc7ana tc

tmtsaatsii wa s7alhnapliwatilh alh ti tsitstsipii t'ayc. Alhnapilh tuu stsuts Franz Boas smiins "qwlilc" wa "dark green". Ama7itsk stics ti "Northern Shoveler" ti alh7ayutsmim ti tsitstsipii, ama7itsk ka axws. Axw slaxaw ts alh Nuxalk.

ti sklklltsi tc

Greater-scaup-male2

Alhnapilh stics ti sklklltsi ti sulutlhh stsitsipiis, was sqiqtis tc. Tmlhnus wa k'isskwatsta wa alh7ay wa tsitstsipii, kalaaqw'smtim alh Nuxalk - Wicanaw wa "Greater Scaup" n ti "Harlequin". Ayuts kuks Thomas McIlwraith s7Akw'a-tum ti "Harlequin." Wic its'ik si nutsutikts stics tsk ti "Greater Scaup" ti sklklltsi-tum ti tsitstsipii tc. Alhinaw ts alh Nuxalk sutkams.

ti sulutlhh ti skwlatn tc

ama7itsk sskwatn-tum ti naxnxliwa ti tsitsipii t'ayc

Alhnapilh stics ti "ptarmigan" ti skwlatn tc. Ama7itsk tuu spaaxim kw' ti Smucwmukwiixw tc ca sSkwlatn. Tsuts Captain Schooner s7asmusiixw wa alh7ay wa skwatsta ts - skwlatn, skwlaatn, n skwlaltnm. Ayuts kuks McIlwraith s7alh7ays ti skwlatn c ti naxnx tc. Ama7itsk swics tuu "skwlatn" wa skwatstanaw wa mucwmukwiixw wa tsitstsipii - lhnus kuks wa axw xilh wa kalaaqw'smtim wa naxnxliwa wa tsitsipii - ti "Canvasback" tc n ti "Redhead" tc.

ti supsmiluksakm tc

Alhnapilh stsitsipiis ti supsmiluksakm tc. Nutsutikilh s7alhitimuts tc alh Nuxalk. Ama7itsk swics "su-PSCM-alstutsakm" wa s7alh7ayutsmilh wa skwatsta ats. Kamalh-PSCM-nu, kalh-tsitstsipiinu c ti nusxyaak tc ka ntl's. Ama7itsk stics ti spuscmiluksakm ti s7alh7ay ti tsitstsipii.

ti sicsaaxwanmc tc

Alhnapilh stsitstsipiis ti sicsaaxwanmc tc. Alats'itmulhs wa skwatstas tc s7alhitimutaw ts ala saaxwan ts. Axw slaxs wa k'iskwatsta wa tsitstsipii ts ala saaxwan ts - ama7itsk s7inici7its ka napamcwilh swals tc.

ti alhwaltinitsaw tc

Tsuts Captain Schooner s7alh7ays ti tsitstsipii t'ayc ci alhwalim c ti kwtmts tc. Nuyamlh tsk tc tsitstsipiis.