Tic ma t'ayc ti umtutsay tum. Tics ti tsakwlxsnk ti naxnx.
Numawiis ti "Gibbs"tum ti q'umsciwa squlhis wa skwatsa ts "Umtutsay" sputl's ulh Nuxalk alh 1855.[1][2] Alhnapilh s7alh7ays ti skwatsta t'ayc c tu s7alh7ayutsilh "nu7umtaax" - Tsutilh snu7umtaaxnu kamalh-axwsnu. Wic its'ik si7alhnapilh ti smiins wa skwatstas ti tsitsipii t'ayc - ti nu7umtaax tc, ti istsuutsiis tc. Alats'itumulhs Gibbs s7alh7ays ti tsitsipii t'ayc c ti naxnx tc. Suptaw was naxnaxlitaw ii7axw csuuts wa naxnxliwa wa tsitsipii ts. Tm-lhnus wa alh7ay c ti naxnx tc was nu7umtaaxaw tuu - tics ti alh7ayutsmim ca sBufflehead, n ti "long-tailed" tc. Snuwats'tum ti "bufflehead" tc, walim ts' ti "long-tailed" tc. Wic its'ik sinutsutikts stics mati umtutsay ti sulutlh ti tsitsipii tc alh ti alhqulhuus t'ayc.[3]
Tsakwlxsnks ti naxnx t'ayc. qulhlxsayc tc ca mukw. sk'c wa kw'pwalhts tc, ts'xwliits ti sunkwstas tc. Sk'cs wa spuxulhiks tc.
Alh7ayliwanaw ala ts'ktanaw ts edit
Qwlculhtsutaw wa slax wa alh7ay wa tsitsipii ala sulut ts sutkams. Mulmulminaw ts ula ts'ikwa n wa smsmlhki. Samwiis ti umtutsay t'ayc s7yustamkis wa kw'pwalhts s7ixqlms. Wic its'ik situulunaw ska mulmaw ula smuslxs-kw'ps (480ft) ti snup'atsaw ts ala qnks wa qla ts.