Wic wa sulut ts wa umataycs wa qla snuxums uuxnk wiclh tu smt txw. Way s7ilusis wa qla ts wa kulhikuutss wa sulut ts, tsutaw snut's txw alhtxw, sulut-tum txw. Wic tuu "ssulut" s7alh7ayutsmim wa nut's wa qla ts, wa amatalhilh s7assulutalhilh ala asiknalus wa smtilh ats. Suluttum wa mntalh ts s7ayalhilh ulh tu itskw' t'axw, was ulh Kw'alhna, ulh Sutslh, was ulh talyuu. Ats'aaxlh-tum tu sulut txw alh Talyuu. S7usqanu ala sulutilh ats ulh tu alsqa t'axw, tsutaw s7alhinu ts'n ala alsqa ts. ayutsakw'tuu s7alhinu ala sasqw' wa sulut ts.
ti s7alh7ays wa sulut ts edit
stculatl'suuts was nutakans edit
Ala tsay wa kp wa ts'klaktanmaak ts putl's wa lhnusanmaak ts putl's wa mawlxanmaakii putl's wa ts'icwanmaakii ts s7anutakananms. Txulhanmaakam ts'n stculatl'suuts wa qla ts. Tic tu tl'uk' tx ti si7ays wa sulut ts, stculatl'suuts ula st'qmuuts ts. Ta st'qmuuts, nutakans tuts'. alh7ayutsaw k'u s7anutakan wa snknicilh ts wiclha sulut ts, wa mtm ts, wa ts'ikwa ts. Wic its'ika si7alh7ayutsawk'u s7anutakananm wa sulut ts.
wa st'uctsi ts edit
Kamalh7asuk'liwas ala sulut ts, aystuts' wa st'ucsi ts slhkw'lctimuts. Ka iklhlcitimutnu ulh ta alsqa t'axw, ka ustcwnu ula amatalhs wa umq'um ts - wa lhk'uulh wa st'ucsi. lhwaalhkw'p mak'u ti stsakws wa st'ucsi, muskw'p kwmatuu ala matl'ap ts. Kanalh7ayalhnu ulh uwiki, ula alsqayanuts ts, ka lhkw's ka umtl'um ts, wa st'ucsi ts stayamktsuts ula kulhuuts ts.
s7alh7ayaltwas s7ayawtsuts ti smalacw tc edit
wa sulutlh wa amat edit
wa kulhuuts ts edit
Wic wa kulhuuts ts wa amats smustmacws wa kulhulmc ts ula qla ts. Kulhuuts-tum wa kulhikuutss wa sulut ts, wa ts'alh ts, wa anuxum ts. Kulhuuts-tum wa umaylayc wa amatuuts ala sulut ts - wa clhskwatsta wa amataaxuts ts.
wa aqw'an ts edit
Aqw'an-tum wa stapusliwa wa umat ts ala kulhuutss wa qla ts. Paaxulhla wa aqw'an ts suk'tsuts ala sulut ts, wic s7axw mas tuulwamktsutnu ska usqtimutnu ala qla ts ala alh7ay wa amat ts.
wa sts'ixuts ts edit
wa susluuti ts edit
wa asaqw's ts edit
Wa tl'mstnuks n wa sulut ts edit
s7alh7ayalhaw s7assulutaw edit
s7alh7ayakaw ala kulhuuts ts edit
s7alh7ayakaw spismanaw edit
Wa ninits ts ala sulut ts edit
wa sulutlh wa nmnmk' ts edit
wa sulutlhh wa smlhk ts edit
Ayalhnu mas ulh "Smlhk" Si7acwsalctimutnu ala sulutlhh wa smlhk ts.