Sts'qaaxqa-tum ti tsitstsiiipi tc alh ti alhqulhuus t'ayc. qiqtis tc stsitstsiipis. mukwliitsliwas tc, was nusk'cikulhaqw's tc. sk'caaxikts tc ala skulhlxsaks wa kw'pwalhts ts. ts'xulhliwnis ala kulhulhanks alh tu s7alh7ays ala kulhiks. Slax wa tsitstsiipi ats alh Nuxalk.[1][2]
.jpg)
Istsakwliwas ti sts'qaaxa tc. icyaasnms tc ala kulhulmc ts was ala astwanks wa st'winlits' wa xamlc wa stn. Wicanaw wa imlaakwlh ts wa tutu7imanta ts. kstcwaynicit wa acwlh - ulicim ti smaw c tsi cnaaslh tsc. Siqyulcs snu7usqnamkit wa 5-8 wa q'panaw ts. Axw walit awcwa. alhitimutaw cats ala amlh ts, aynakw tuu sutkams.
ti smsmas
edit
Smsmayamkilh ti sts'qaaxqa tc, s7alh7ays alh ti nan tc s7ulxutsim ca knums.[2]