Tic ti scwpanilh ti k'cicw ti nmnmk' tc alh ti alhqulhuus t'ayc. Scwpapniilhi-tutim wa qiqti wa scwpanilh ts, wa alh7ay wa scwpanilh ts, kaluusmtim ala alsqa ts. T'upiwas-tutim wa mnmnts'aw ts sqiqtinaw. Lhnus wa s7alh7ay wa scwpanilh ts alh Nuxalk. Wicanaw wa sk'clqsnk ts wa scwpanilhtutim ts. Nuts'xulhaax-tutim wa alh7ayutsmtim ts ca "White-tail" ts. Wics "Mule" wa itts'xlhiixw wa skwatstanaw wa scwpanilh ts, was "white-tail" wa itts'xlhiixw wa skwatstas wa nuts'xulhaax ts. Alh ti suncwt ts' paaxtilh ts' wa lhnus wa s7alh7ay ca scwpanilh.
ti s7alh7aynaw ts ala ts'ktanaw edit
Yanicit wa scwpanilh ts ska maliixwtmacwaw ala acwlh wa scwpanilh ts. Alhpsaw ats ca slaws, ca spus ts, n wa qw'las wa qwli wa spusii. kamalh-awsnicit ti stam, tl'uk'tut wa aslqsnkaw ts - tctl'uklqsnkmnaw ts kamalhsqw'mnictim ts.
alhinaw wa acwlh ts ala kulhnks wa smt ts - slaxliwninaw kuks ala kulhanks ts.[1] tcutl'ukalhaw s7amlhams, lip'tutaw uuxnk ssutkams.[1] Witl'axaycaw wa imlaakwlh ts - pus wa witl'axaw ts s7a7mlhanmis. klhs kuks wa witl'axaw ts sustkanmis.[2] Yustamkim kw' wa witl'ax ts s7is7imtams.[2]
ti s7alh7aynaw alh tu ayk' txw skascwpanilhaw edit
St'qwlustim ats, was wnts'tim c ti puts'tn. Sp'iixwtimkw' ts kamalhkalaalhmtim txw ala sulut ts - aytutimkw'tuu stcapsmtim txw.[1]
iixsa edit
Iixsas wa aslqsnkaw wa scwpanilh ts, wa scwpanilhlqsnk ts.
ssmsmayamktilh ts edit
Lhnus wa smsmalh ts alh ti scwpanilh tc: