Wp/blc/Q'umk'uts

Q'umk'uts-tum tu apsulhaw wa Nuxalkmcuts ts ala asts'axlhaaxutss wa anuxum ts alh Nuxalk, axw iixws ala saaxwan ts. Wic Q'umk'uts wa amat7apsulhaw tu klhtutim txw alh Nuslaxm kamalhkw'alhtnim wa suncw ats, ti Skuluktlhtum ti smt tc. Tam7apsulhaw txw ala asutss ti smtaw tx, ala kulhuutss ti Stsatsxwantum ti anuxuxwmi tc.

Q'umk'uts, alh tu ayk' txw. Tic Harlan Smith ti kstcw ti alhqulhuus t'ayc. Tic Nuslaxm ti tsakulhiixw ti smt tc, Uqw'wanitum ti ktl'iitl'qwii tc

Wa sulhs tl'alamin alh Q'umk'uts

Wa Q'umk'utsmc ts

Houses and buildings along the shore in the old village of Q'umk'uts (50122 LS)

Tic ts'n Nuximlayc ti staltmcaw wa Q'umk'utsmc ts. Pootlass-tutim wa nuslax wa Q'umk'utsmc ts.

Alh tu aluux txw s7usqaliitstim tu tl'msta txw, Ays ti staltmcaw wa Q'umk'utsmc ts sqwlculhtutis wa axw atma wa tl'msta ulh Nuxalk, alh Q'umk'uts. Kamalh putl'aw wa lipliit ts, apsulhaw wa tsaats wa tl'mstnuks alh Alhq'laxlh, alh Piisla. Apsulhaw lhuu wa lhlm wa Nuxalkmcuts ts alh Q'umk'uts. Qw'sm its'ik wa anuxum ts alh Alhq'laxlh ala 1920 ats, sastaw tuts' tu tsay tu tl'msta txw ula tk'ilhank ts, ulh Q'umk'uts, Mtnkayc, Sts'kiilh, n Ts'wankus.

Smsmayuustulhs Tsukwa alh tu s7alh7aytutim tu Q'umk'utsmc txw alh tu ayk' txw, sxalcs alh Asnxik, ula aaxlhs alh Stsatsxwan sntl's - nmaaxaycs wa qla ts alhtxw. S7inacws, cms ti nmaaxta tc, alh7ays slaxs wa qla ts snuxums ula atl'sanks tc. Qw'sm its'ik. Cwt'uustum ta csuuts ta sulhuks txw alhtxw, was usquxim tu tl'msta ala qnks wa sxwaxwa. Numawiinaw kuks tu axw alhi tu tl'msta txw sninitsaw.