Tic ti smt t'ayc ti k'cicw tc wiclhh Anukits'm, alh tu txwnayaax t'axw, ala tcatl'sankiixws Salmt. Tic ti smt tc ala txaaxlhanks Askalhta. Smsmayamktim tu lhxanm txw alh tu ayk' txw, licimuutaw uuxnk ala qw'puus wa stapusliwa wa kulhankiixws alhtxw. Tsutakw sk'caynicim ti satl'a alhtxw, alhwalim alhtxw sqw'sms wa suncw ats. Nuyayaalh wa mnmnta ts ula uts'alulhs ti smt t'ayc – musanmaaks sits'ktnu ula tl'uk'ankiixws tc. Apsulhaw wa Salmtmc ts ala kulhnks ti smt t'ayc.
.jpg)
