شهید سردارحاجی عبدالرحمن خان(نارویی) اوگانستانی نیمروزئ ولایتی بلوچانئ قومئی سروک ومزن ات که چارسال دیم شه مروچی ؛ شه ایرانئ مزدورین سپاه پاسدارانی اجنټ ونوکرانی دستا شهید بوت؛ شهید عبدالرحمن ، په بلوچانی یکویی وتپاکا بازین جدوجود ی کرته ، وپه بلوچانی هکانی گره گی بابتا مدام وتی کوشستانا راهدگ داشته ؛ وبلوچئ غریب وبزه گی گڔتیا دلاداشت ، هرسکی وسوریان وتی کومئ کوپگ ومدت کارات ، هی شهیدی ، نام وآوازگ تاناکا به اوگانستانا نه ؛ بلکین ایرانی مشکانا وپنجابی پشکانا به لرزه گاپرینتت، هرروچ گیشتر شه دگه روچا بلوچی ننگرین کوم هابی هیشک وهاشکا نز ومچه بوتنت ، وپه وتی گهترین آیوکا زندی گهبوتیا راه وچارگانا پټ وپالان اتنت؛ سامراج ای مړادار وبهادرین سروکا په وتی شومین واهگان مزنین خطری زانتت؛ شه همی روگها په هایی شهید کرتنا دست بکار بوت ، وگون نامردی وبی غیرتی یا هی بلوچی سروکا مان نیمروز و زابلی سیمسرا آیرا شهید کرتنت ؛ وبلوچئ راجی دیرین ټپانی سرا ټپی دگری گیش کرت؛ ایرانی یهودی یین شیخوک ، بایستی بزاننت که ای شهیدی هونی بیرابلوچانی ننگرین ورناهان شه هی شگالان ده بریبرا گیشتره گروکنت؛ وش بیت بلوچانی آزاتیئی راهی شهیدانی ارواه .گارونابود بیت بلوچانی آزاتی ووت واکیئ کچټین دشمنان.