Wp/bgn/اتمین بم

اتمین جنگئ وسایل یا اتمین سلاح شه جنگئ وسیله ئان هستنت که به آواني تا شه انرژیئ حاصلین شه پروشتین یا گداخت هسته‌ای ئا په کشتار و تخریبا استفاده ئه کننت.

جاپاني ملکئ ناگاساکی شاری اتمین بمباری به ۱۹۴۵ میلادیا یک ابر قارچی تقریبان ۱۸ کیلومتر به هوا بُرز بوت.

ای سلاح‌به تاریخئ تچکیي تا دو وار آ هم به جهانین دومئ جنگئ تا شه ایالات متحده آمریکائ نیمگاه به جاپانئ هیروشیما و ناکازاکی شاراني سره استفاده بوت.

اتمین بم

اتمین بمئ یک رواجین نامئ اینت که په آ انفجارین وسایلان گوشته ئه بیت که آواني تا شه آزات بوته ئین انرژی که به شکافت هسته‌ایئ فرایندی تا ، یا گداخت هسته‌ای تا آزات ئه به ینت، په خراب کورتین و شه بین بُرتینا استفاده ئه کننت. اتمین بم که به گداخت ئی مبنائا کار ئه کننت شه اتمین بماني نوکین نسلا انت گیشتیرین قدرتئ نسبت به شکافتین اتمین بمان دارنت. انرژیی آزات بوتینئ مبنا به هردوکین رقم شه اتمین بمان به (E=mc²) انرژیی ماده ئا بدل ئه به ینت اما گداختین بماني تا گیشتیرین جرمِ شه ماده به انرژیا تبدیلا بیت. اولین اتمین بم که شه پلوتونیومین بمان (شه شکافتی رقما) ات به سال ۱۹۴۵م به دومین جهانین جنگئ وختا به امریکای تا جور بوت و به ژوئیه شانزدهما ۱۹۴۵میلادیا به آمریکای آلاموگوردو صحرا به نیو مکزیکویتا آزمایش بوت. آمریکا تانا ملکئ اینت که اتمین بما (شکافتی-اورانیومی به هیروشیما وشکافتی - پلوتونیومی به ناگازاکی) تا نظامین استفاده کورته . شوروی به سال ۱۹۴۹ میلادیا اتمین بمئ واوند بوت.

ای سلاحِ اختراح، باز تچکین ریشگِ به فیزیکِ و کیمیاي علمِ تاریخئ تا داریت مگه شه ای علمئ استفاده، اتمین بماني جور کورتینا گیشتیر به رابرت اوپنهایمر و ادوارد تلرا نسبت دادته ئه بیت.

اتمین بماني تاریخچه

اولین کوشش په اتمین بمئ جور کورتینا به آلمان نازی تا شروع بوتنت. به ای وختا ، یک کیمیازانتئ بنام پل هارتک شه هامبورگئ زانتجاهِ استادان شه اتمین بالقوه ئین قدرتا به نظامین کاربرداني تا پي بُرت. آ به ۲۴ فیبروری سال ۱۹۳۹ میلادیا شه اتمین انرژیی استفاده به سلاحاني تا و آواني نامحدودین خرابیا به خط تا به جنگ وزارت به برلین دیم دات، گُشت. پد شه ای حبرا یک گروپئ شه تحقیقان به ای موریدا جور بوت و آلمانین فزیک زانت وارنرهایزنبرگ ای گروپئ المانین تحقیقانین غیر رسمین سرپرست په اتمین بمئ چور کورتیني خاتیرا بوت.

اولین اتمین بمئ آزمایشئ اکس به ترینیتی ایالت نیومکزیکو

اتمین بماني رقمان

• بمب حاصل شه شکافت (A-Bomb)
• بمب حاصل شه همجوشی (H-Bomb)
• بمب نوترونی (N-Bomb)

اتمین انفجاری مراحل و تاثیران

اتمین تشعشع

ای تشعشعات باز خطرناک انت و همیگه بم انفجار بکنت به موچین جاگان شسنک ئه به ینت که به چار دسته ئا شاملا به ینت:

شدیدترین اتمین انفجار

قدرت مندترین اتمین انفجار (سار بم) که تا انون به دنیای تا بوته مربوط ئه به سال ۱۹۶۱ میلادیا که شه شوروی نیمگاه بوت ، 50مگاتن ات.ای یکی شه کامیابین کوششان په رادیواکتیوین شعاعاني کمي خاتیرا ات و ای بم یکی شه پاک تیرین بمان اینت که شه رادیو اکتیوی خطرناکین ذره ئانی بازین شینک بوتینا جلوگیری کورته . شه ای رقمئ بمان تانا یک دانگي جور بوته و به تاریخ ۳۰ اکتوبر سال ۱۹۶۱ به مجمع‌الجزایر نوایا زملیا تا آزمایش بوت.

استفاده اتمین جنگ وسیله ئان

(مربوتین موزو:بمباران اتمی هیروشیما و ناگازاکی)

ایالات متحدۀ آمریکا ، تانا ملی اینت که به عینی رقما شه اتمین جنگ افزاراران استفاده کورته.ایالات متحدۀ آمریکای هوایین قواه به جنگ جهانی دومئ وختا ، یعنی ششم و نهم روچان شه اگوست ۱۹۴۵، دو وار شه اتمین جنگ افزار په جاپاني مردماني تسلیم کورتینا استفاده کورته.ای جنگین جنایتئ تلفات، گیشتیر شه ۸۰،۰۰۰ نفرا بوته انت.

لینک په خارجا

• هوپا (شه اتمین بما گیشتیر بزانیت(پارسی زبان) )
• Sipri World nuclear forces