| Wilayah Britani di Laotan Hindi British Indian Ocean Territory (Inggris) | |||
| |||
| |||
| Ibu negeri | Kam Thunder Cove | ||
| Nama pengendek | Britani | ||
Wilayah Britani di Laotan Hindi (hurup Arab Gundul: ولاية بريطانى دلاؤتن هندى; basa Inggris: British Indian Ocean Territory) entu Kerajaan Rempug punya wilayah tanggungan. Ni nglingkup banyak pulo-pulo kecit di Laotan Hindi. Wilayahnya entu tuju pulo cincin Kepuloan Cagos nyang pulo kecitnya ada 1.000-an – kebanyakannya mah kecit jasa. Jumblah wilayah daratannya entu 60 km2 (23 mi2) doang gènèng. Pulo nyang paling gedénya entu Pulo Diégo Garsia.
Mao Hindi kè', Moritius kè' pada nyedèk ni wilayah èn kaga' ngakuin Kerajaan Rempug punya kuasa di Kepuloan Cagos. Hindi kaga' ngakuin suwerénitèt (daulat) Inggris di ni "pulo-pulo Hindi/nyang budayanya Hindi" èn udah pada nyengkètain kewontenannya semprakan 1947.
Ni pulo punya orang asli udah pada digesuin (diusir-usirin) ama guwernemèn Britani. Tu orang pating dikirim ke Moritius, apa ga' ke Sésèl. Ni kejadiannya tahon 1968 ampé 1973, bakal ngasi permisi ama Amrik Serèkat bakal ngeja markas gabungan militèr Amrik-Britani. Tahon 2000, Mahkamah Tinggi Britani pertama kalinya bikin aturan kalo orang asli bolé kombali ke situ, cuman guwernemènnya pepes ngotot kaga' mau nerima ini beslit mahkamah. Orang kata mah, gènèngan banyak orang asli nyang ngejal pulang ke ni daèrah.