Wp/bew/Taiwan

< Wp‎ | bew
Wp > bew > Taiwan
Kiblik Tionghoa
中華民國 (Mandarin)[1]
Zhōnghuá Mínguó
Hopstad Taipé
Nama penghuni Taiwan


Taiwan (hurup Arab Gundul: تيوان; hurup Tionghoa Terdisionil: 臺灣, hurup Tionghoa Ringkes: 台灣; basa Mandarin/Koanwé: Táiwān; basa Hokkièn: Tâi-uân) atawa resminya Kiblik[2] Tionghoa (hurup Arab Gundul: کبليک تيوڠهوا; hurup Tionghoa Terdisionil: 中華民國, hurup Tionghoa Ringkes: 中华民国; basa Mandarin/Koanwé: Zhōnghuá Mínguó; basa Hokkièn: Tiong-hôa Bîn-kok) entu réjim Tiongkok nyang mèrad deri daratan ke Taiwan. Kiblik Tiongkok pernah bekuku' di antéro Tiongkok (sedari 1911 ampé 1949), cuman mingsèr ke Pulo Taiwan abis perang sipil di Tiongkok. Semprakan entuh, Kiblik Ra'yat Tiongkok jadi rèhering[3] Tiongkok nyang diakuin (nggantiin Kiblik Tiongkok di Peserèkatan Bangsa-Bangsa di tahon 1971), èn Kiblik Tiongkok punya status masing disengkètain.

Kiblik Tiongkok nglingkup pulo utama deri Taiwan serènta pulo-pulo di sekulilingnya (Pulo Pèngkun èn bagèan deri Hokkièn). Taiwan letaknya di belah kidul-wètannya Tiongkok daratan, bekidulnya Jepang, èn lornya Pilipénen. Dia punya hopstad[4] nama Taipé atawa Taipak.

Taiwan juga' digero Pormosa, deri basa Portugis formosa 'boto'.

Orang nyang paling banyak ngejogrog di Taiwan entu orang kaum Han. Taiwan ada punya tiga kelompok Han gedé. Dia pada ngomong laèn-laèn basa Cina èn dia punya keruhun asalnya deri laèn-laèn tempat: Hokkièn Kidul (deri Propinsi Hokkièn), Kè' (Tionkok), ama Orang Daratan (deri Tiongkok daratan abis 1948).

Ada juga' orang asli Taiwannya nyang udah di Taiwan semprakan sebelon itu orang Han pada dateng di situ.

Ruju'an edit

  1. Hurup Terdisionil
  2. Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
  3. Rehèring (hurup Arab Gundul: رهيريڠ atawa رخيريڠ) – pemerintah, administrasi (Indo.); government, administration (Ing.); regering (Wld.).
  4. Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).