Soang (hurup Arab Gundul: سواڠ) atawa gangsa (hurup Arab Gundul: ݢڠسا) nya'entu burung Anseriformes nyang awaknya gedé nyang masup ke dalem jenis Cygnus, permili Anatidae. Soang ama soang lèèr bantet masup ke jero anakpermili Anserinae, cuman soang ada punya suku sendèwèkan, nya'entu suku Cygnini. Ada tujuh macem dalem jenis Cygnus. Soang entu héwan kawin atu (monogami), "ceré" kot-kotan kejadian lantaran pas lagi nyarang malah boncos.
Soang entu anggota deri permili Anatidae nyang nomer wahid gedénya èn jadi atu deri burungaèr nyang paling gedé nyang bisa ngiber. Macem paling gedé deri soang entu, soang puti, soang trompèt, èn soang gerawak, gedénya bisa entuk 60 inci èn antebnya 50 pon. Lot-lotan siwinya ampé ampiran tiga mèter. Ketimbang ama sudaranya (soang lèèr bantet), soang ukurannya mah gedéan èn secara perbandingannya gableg kaki ama lèèr nyang rada gedéan. Di soang-soang gedé, dia pada ada punya tenger kulit nyang ora keturuban bulu di mata apa patol atawa cocotnya. Soang laki ama dara kaga' ngasi unjuk dua bentuk semacem (dimorfisme seksual). Ukuran soang laki lumbrahnya gedéan èn anteban.
Ruju'an