Serani di Indonésia entu agama paling ngebadeg nomer dua, abisnya Selam. Indonésia juga' jadi negara dengen jumblah orang Serani nomer dua paling banyak di Asia Kidul-wètan, abisnya Pilipénen, negara nyang orang Seraninya paling banyak di Asia Kidul-wètan. Indonésia juga' jadi negara nomer 4 paling ngebadeg se-Asia dengen jumblah orang Seraninya, abisnya Pilipénen, Tiongkok, ama Hindi. Sebagé lagi, jumblah Serani di Indonésia entu jumblah nyang paling ngebadeg nyang ada di negara-negara Muslim (29,1 juta, sembabad 10,49% deri kabèhan penduduk dalem tahon 2022), diikutin ama Mesir. Deri itu 10,49%, ada 7,43%-nya nyang Protèstan (20,6 juta) èn 3,06%-nya Katolik (8,5 juta). Ada berapa propinsi di Indonésia nyang mayoritètnya orang Serani. Di Indonésia èmang udah jadi kadung lumpar, kata "Krèsten" dipahamin Protèstan, lantaran ngruju' ke basa Welandanya Christen èn ajaran nyang dianut sama orang Welanda lagito, sementara Katolik ya dibilangnya "Katolik". Sekarang-sekarang ni, ada ngebanyakin jumblah orang Serani, wabilkusus di antara orang-orang Tionghoa.