| Ruméni România (Rumèn) | |||
| |||
| |||
| Ibu negeri | Bukarès | ||
| Nama pengendek | Rumèn | ||
Ruméni (hurup Arab Gundul: رومينى; basa Rumèn: România) entu atu negara di belah Èropa Kidul-wètan. Ni negara letaknya di blèlirnya Semenanjung Balkan, pasnya di daèrah Kali Dono Bawa. Ruméni punya bagèan kulon dikulilingin ama Pegunungan Karpaten. Ni negara juga' watesan ama Laot Item, Honggari èn Sèrwi di bekulonnya, Ukrain di lor-wètan jaunya, Moldawi di lor-wètan deketnya, èn Bulgari di bekidulnya. Ruméni punya hopstad[1] nama Bukarès.
Ni negara – negara kesatuan separopersidènsiil. Sebagé lagi, Ruméni nimbrung ama Uni Èropa ari bulan 1 Januari 2007, seabis ngrombak banyak wèt[2] nyang dirasa kaga' pantes pisan bakal dunia kera'yatan[3] modèren.
Ruméni juga' atu negara paling gedé nomor 9 èn paling banyak penduduknya nomer 7 (dengen 19 juta orang) deri antéro negara-negara anggota Uni Èropa. Adapun orang Ruméni bisa digero' orang Rumèn (hurup Arab Gundul: اورڠ رومين).
Ruju'an
- ↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Wèt (hurup Arab Gundul: ويت) – undang-undang (Indo.); rights (Ing.); wet (Wld.).
- ↑ Kera'yatan (hurup Arab Gundul: كرعيتن) – demokrasi (Ind.); democracy (Ing.).