Indonésia dibelèk-belèk jadi propinsi (Indonésia: Provinsi). Saban propinsi ada kabupatèn ama kotanya. Propinsi, kabupatèn, ama kota gableg dia punya guwernemèn setempatnya sendèwèk-sendèwèk èn juga' Dèwan Perwakilan Daèrahnya juga'. Semprakan penerepan Wèt No. 22 tahon 1999 pasal Guwernemèn Daèrah (itu wèt diperbaèkin ama Wèt No. 32 tahon 2004 èn Wèt No. 23 tahon 2014), guwernemèn daèrah sekarang maènin rol gedéan dalem bestir daèrahnya. Adapun belèd luar negeri, pertahanan (masup di dalemnya soldadu èn pulisi negara) sistim wèt, èn belèd keduitan, gimana gè', tetep guwernemèn pusat punya urusan. Semprakan tahon 2005 dalem penerepan Wèt No. 32 tahon 2004, hop guwernemèn setempat (gubernur, bupati, berehmister) langsung dipili liwat pemilian umum.