Nama (hurup Arab Gundul: نام) ièlah geroan atawa ènclèkan nyang dikasiin ke orang, tempat, barang bikinan (misalnya mèrèk barang) èn hata ke gagasan atawa engehan, nyang biasanya kanggo ngebèdain atu ama laènnya. Nama kena baé dipaké bakal ngenalin atu rombongan atawa cuman atu benda dalem kontèks nyang laèn sendiri nyang dikasiin.
Macem-macem nama
Orang punya nama galibnya dibelèk jadi nama pengasi (purnam/nama depan) ama nama kulawarga (sé/nama belakang), tuladnya Bènyamin Suaèb, di mana Bènyamin entu dia punya purnam, nah kalu Suaèb entu nama sénya. Sangkilang gitu, ada juga' budaya nyang kaga' kenal tu macem punya engehan. Ada juga' nama poyokan (nama geroan) nyang jadi nama husus dalem muamalah di masarakat.