| Daèrah Bestir Istimèwa Kiblik Ra'yat Tiongkok Makao 澳門特別行政區[1] 澳门特别行政区[2] Oumùhn Dahkbiht Hàhngjingkēui (Kuantung) Àomén Tèbié Xíngzhèngqū (Mandarin) Região Administrativa Especial de Macau da República Popular da China | |||
| |||
| |||
| Ibu negeri | Makao | ||
| Nama pengendek | Makao | ||
Makao atawa Mako (hurup Arab Gundul: ماكو; hurup Tionghoa Terdisionil: 澳門; hurup Tionghoa Ringkes: 澳门; basa Kuantung: Oumùhn; basa Mandarin: Àomén; basa Portugis: Macau) atawa resminya Daèrah Bestir Istimèwa Kiblik Ra'yat Tiongkok Makao (hurup Arab Gundul: دائرة بستير استموا كبليک رعية تيوڠکوق ماکو; hurup Tionghoa Terdisionil: 澳門特別行政區; hurup Tionghoa Ringkes: 澳门特别行政区; basa Kuantung: Oumùhn Dahkbiht Hàhngjingkēui; basa Mandarin: Àomén Tèbié Xíngzhèngqū; basa Portugis: Região Administrativa Especial de Macau) entu atu deri Tiongkok punya dua Daèrah Bestir Istimèwa (laènnye entu Hongkong). Makao entu cuman atu kota kecit di panté belah kidul-wètannya Tiongkok. Kaya' Hongkong, Makao juga' ngelah kuasa-dèwèk gedé, kaya' ada paspot sendèwèk, mata duit sendèwèk, aturan èkonomi, ama wèt dasar.
Makao nglingkup Semenanjung Makao, Pulo Tam'a (Taipa), Pulo Lokoan, Koté, èn daèrah nyang baru diurug di antara Ta'ma ama Lokoan. Ni daèrah padet pisan, lebi deri setenga juta orang tinggal cuman di 12 mil pesegi.
Makao perna jadi Portugal punya jajahan. Bagèn basa Portugis jadi basa resmi selaènnya basa Tionghoa (lantaran dulunya dijajah Portugal), dikit doang nyang bisa basa Portugis gènèng; cuman 0,7%-nya doang nyang maké basa Portugis di rumah. Alakulihal, malahan basa Inggris nyang lebi lumbrah dipaké, bagèn kata bukan basa resmi (2,3%-nya maké ni basa di ruma). Basa Kuantung entu atu ragem basa Tiongkok nyang dipaké di Makao. Walakin, basa Mandarin juga' jadi mingkin lumbrah semprakan Portugal ngebalikin Makao ke Tiongkok dalem tahon 1999.[3]
Ni ari, Makao mah dapet duitnya deri maènan top luar negeri. Nyatanya, Makao malah ngedapetin pemasupan deri maènan top 7 kali lebi gedé deri Las Bègas di tahon 2013.[4] Orang di Makao juga' pada ngedapetin duit anu bolé ngèkspor pakéan.
Bahna Makao dulunya entu Portugal punya jajahan, kita bisa ngiat dia punya jejak-jejak kebudayaan Portugis di kotanya.
Ruju'an
- ↑ Hurup Tionghoa Terdisionil
- ↑ Hurup Tionghoa Ringkes
- ↑ "What language is spoken in Macau?".
- ↑ Riley, Charles (6 Januari 2014). "Macau's gambling industry dwarfs Vegas". CNN.