Wp/bew/Magrib

Kerajaan Magrib المملكة المغربية (Arab) al-Mamlakah al-Maghribiyyah Royaume du Maroc (Prasman) ⵜⴰⴳⵍⴷⵉⵜ ⵏ ⵍⵎⵖⵔⵉⴱ (Bèrbèr Magrib Pakem) Tageldit n Lmeɣrib
Ibu negeri	Rabat
Nama pengendek	Magrib Maroko

Magrib (hurup Arab Gundul: مغرب; basa Arab: المغرب al-Maghrib; basa Prasman: Maroc; basa Bèrbèr Magrib Pakem: ⵍⵎⵖⵔⵉⴱ Lmeɣrib) atawa Maroko (hurup Arab Gundul: ماروكو) atawa resminya Kerajaan Magrib (hurup Arab Gundul: كراجأن مغرب; basa Arab: المملكة المغربية al-Mamlakah al-Maghribiyyah; basa Prasman: Royaume du Maroc; basa Bèrbèr Magrib Pakem: ⵜⴰⴳⵍⴷⵉⵜ ⵏ ⵍⵎⵖⵔⵉⴱ Tageldit n Lmeɣrib) entu atu negara daulat di wilayah Magrib Aprika Lor. Géograpisnya, Magrib diciriin ama pegunungan nyang berunjulan (ajrut-ajrutan), lintesan padang pasir nyang ngampar, èn garis lingir panté nyang manjang di sepanjang Laotan Atlantik èn Laot Tenga.

Magrib punya penduduk ada 37 juta lebi orang èn luasnya ngejembar ampé 710.850 km² (274.460 mi²). Dia punya hopstad nama Rabat, èn kota paling gedénya entu Kasablangka. Adapun laèn-laèn kota gedé antara laèn ada Uyun, Murakus, Tanjah, Tatuan, Sala, Pas, Akadir, Mèknas, Wujedah, Gunétra, èn Nadur.

Magrib mantèk atu wilayah nyang kaga' merèntah sendèwèk, ya'entu Sahara Kulon, sebagé dia punya Propinsi-propinsi Kidul. Magrib ngebèbasin ni wilayah tahon 1945, nyang mancing perang gerilya ama Pron Polisario ampé gencetan senjata tahon 1991. Prosès perdamian pepes gagal bakal ngebuka kebuntuan pulitik.