Médansatria (hurup Arab Gundul: ميدانساتريا) entu atu kecamatan di Bekasi Kota, Propinsi Jawa Kulon, Indonésia. Perumahan Summarecon Bekasi ada di enni kecamatan, lebih dantanya ada di bèk Harapan Mulya.
Wates enni kecamatan:
- Belalor: Bekasi Kabupatèn
- Belakidul: Kecamatan Bekasi Kulon dan Bekasi Kidul
- Belètan: Kecamatan Bekasi Lor
- Bekulon: Kecamatan Cakung, Jakarta Wètan
Di sini ada punya perumahan Kota Harapan Indah nyang dikenalin sebagé perumahan nyang bekèn èn èlit. Ada deketan ama Tol Lingker Luar Jakarta (JORR), jalan Tol Japèk, èn Jakarta Kidul. Gardu tol masup-kuar Cakung Kidul entu jalan masup atawa kuar JORR nyang paling deket ama Harapan Indah.
Médansatria diliwatin berapa jalan nyan-g stratèhis ke arah Jakarta. Salah atunya entu Jalan Raya Bekasi nyang ngubungin Médansatria ama Cakung, Pulogadung, Klapa Gading, Cempaka Putih, Kemayoran, èn Tol Insinyur Wiyoto Wiyono nyang bisa tembus Mèstèr, Jakarta Lor, èn Kramat Jati. Ada punya Jalan Raya Pejuang nyang ngubungin Médansatria ke Jalan Ir. H. Djuanda yang ngeja gampang jalan ke Mèstèr, Durèn Sawit, èn Matraman nyang bisa dilempengin ampé Senèn èn Manggarai.
Ada punya luas 1.188,27 hèktar, kecamatan Médansatria ada punya 4 bèk, ya'entu:
- Bèk Pejuang, kode pos 17131. Luas Wilayah 487,33 hèktar. Jumblah penduduk 2019: 74.422 orang. Jumblah Pala Kuarga 22.350 KK, dengen 33 RW èn 271 RT.
- Bèk Médansatria, kode pos 17132. Luas Wilayah 375,84 hèktar. Jumblah penduduk 2019: 28.568 orang. Jumblah Pala Kuarga 8.987 KK, dengen 11 RW èn 63 RT.
- Bèk Harapan Mulya, kode pos 17143. Luas Wilayah 204,00 hèktar. Jumblah penduduk 2019: 23.656 orang. Jumblah Pala Kuarga 7.309 KK, dengen 16 RW èn 82 RT.
- Bèk Kalibaru, kode pos 17133. Luas Wilayah 121,00 hèktar. Jumlah penduduk 2019: 31.010 orang. Jumblah Pala Kuarga 9.905 KK, dengen 12 RW èn 69 RT.