Kengaclèngan Sional Indonésia (Indonésia: Kebangkitan Nasional Indonesia) entu istilah bakal jaman ponggahan pertama abad ke-20, pas orang deri mana-mana negeri Nusantara pertama kalinya mulain pada sadar dèwèk jadi atu bangsa nama "bangsa Indonésia".
Ngongkodin untung ama kuasa bestir, Welanda ngrejengin dia punya kewenangan di Hindia Welanda ama orang-orang nyang sebelonnya kaga' pernah gableg atu idèntitèt pulitik nyang kegabreg barengan. Mulain awal abad ke-20, Welanda ngebikin wates daèrah negeri jajahan nyang takanu jadi negara Indonésia wayah gini.
Ponggahan pertama abad ke-20, mulain pada merontok dah tu paguyuban-paguyuban ama kepemimpinan nyang pada mentis. Di bawah Pulitik Ahlak, Welanda nimuin onderwès bakal orang-orang Indonésia gedongan. Ni perobahan nyang danta kalu di kalangan orang asli kita digeronya "Kengaclèngan Sional Indonésia". Itu gerakan dibarengin ama mingkin merontoknya kegetapan pulitik èn diujungin ama Proklamasi Kemerdèkaan Indonésia 17 Agustus 1945.