Jeriji manis[1] (hurup Arab Gundul: جريجى مانيس) (Inggris: ring finger 'jeriji cincin') entu jeriji keempat di orang punya tangan kalu dirèken deri jempol (jeriji pertama), jeriji kedua kalu dirèken deri jeriji kelingking, èn adanya di antara jejangkung ama kelingking. Di basa Latin digero'nya digitus medicinalis 'jeriji pengobatan', digitus annularis 'jeriji cincin', digitus quartus ('jeriji keempat') atawa digitus IV sepegimana nyang dipaké dalem èlmu tasrih. Ada juga' nyang bilangnya ni jeriji – jeriji ketiga kalu jempolnya kaga' dirèken jadi "jeriji pertama".
Ruju'an
- ↑ Grijns, C.D. (1991). Jakarta Malay. J. 2. KITLV Press. h. 110.