Wp/bew/Irlan Lor

Irlan Lor Northern Ireland (Inggris) Tuaisceart Éireann (Ir) Norlin Airlann (Skot Ulster)
[[Image:{{{coat}}}|65px]]
Ibu negeri	Bèlpas
Nama pengendek	Ir Lor

Irlan Lor (hurup Arab Gundul: ايرلند لور; Inggris: Northern Ireland; Gaèlik Ir: Tuaisceart Éireann; Skot Ulster: Norlin Airlann) atawa Negeri Ir Lor (hurup Arab Gundul: نݢرى اير لور) entu negara nyang juga' jadi bagèan deri Kerajaan Rempug, nyang ada di Pulo Ir.

Antéro Pulo Ir sebenernya tadinya entu atu kerajaan, ya'entu Kerajaan Irlan. Cuman sedari tahon 1800, berales Wèt Penggabregan, ni negara jadi bagèan deri Kerajaan Rempug Britani Gedé èn Irlan. Ni penggabregan cuman ampé tahon 1922. Abisnya perang sudara, Irlan kebelèk jadi Kiblik Irlan, atu negara bedaulat nyang ngambil bagèan kidul itu pulo, èn Irlan Lor, nyang masing tetep jadi bagèan deri Kerajaan Rempug.

Ada sekitar 1,8 jutaan orang nyang tinggal di Irlan Lor. Hopstad ama kota paling gedénya entu namanya Bèlpas. Dulu, peran bestirnya ada 6 apdèling, nyang sedari tahon 1972 diganti ama 26 wewenang kesatuan (unitary authority).

Kadang-kadang, orang pating paké nama Irlan Lor, kadang Ulster, bagèn kata mah sebenernya sebagèan deri Ulster masup ke bagèan Kiblik Irlan. Sebagèan laènnya ada nyang nggero'nya "Lor" (The North) atawa "Apdèling Enem" (the Six Counties), lantaran dia pada ogah ngakuin kalo sebagèan wilayah Pulo Ir entu kaga' jengkep merdèkanya. Irlan Lor entu bagèan deri Kerajaan Rempug nyang paling kecil, nyang gedénya paling cuman 5.345 mi².

Bendèra Irlan Lor (resminya deri 1924–1953)

Irlan Lor punya bendèra resmi cuman Bendèra Kesatuan Kerajaan Rempug. Adapun Bendèra Ulster, alakulihal, masing dipaké jadi Irlan Lor punya bendèra ama kaum-kaum setia èn unionis, ama bakal ngewakilin Irlan Lor di beberapa lomba gerak badan antérobangsa.

Sepegimana Irlan, orang Irlan lor digero'nya orang Ir Lor (hurup Arab Gundul: اورڠ اير لور).