Gerèja Katolik, atawa juga bekèn sebagé Gerèja Katolik Romèn, entu pèrkah gerèja Serani nyang paling gedé di dunia dengen 1,3 miliar orang Katolik nyang udah dibaptis di mana-mana selamanya tahon 2019. Ni juga atu deri dunia punya kelembagaan antérobangsa nyang paling gedé lagi kolot, èn gableg rol penting dalem sejarah èn perkembangan Kulon punya peradaban. Ni gerèja isinya ada 24 gerèja sui iuris, masup di dalemnya ada Gerèja Latèn èn 23 Gerèja Katolik Wètan, nyang nglingkup ada ampir 3.500 keuskupan nyang ada di mana-mana di antéro dunia. Paus, nyang jadi Roma punya uskup, entu hoppastor deri ni gerèja. Roma punya keuskupan, nama Tahta Kudus, entu kuasa sintrem nyang bekuku atas ni gerèja. Lembaga bestir Tahta Kudus, Kuri Romèn, gableg dia punya hopkantor di Kota Watikan, atu cempètan di tenga-tenganya Itali punya kota Roma, nyang paus jadi hop negaranya.