Filipina atau name resminye Republic of the Philippines (Filipino: Repúblika ng Pilipinás) entu atu negare nyang terletak di Asia Tenggara. Negare ini dikelilingin ame Laut Tiongkok Selatan, Laut Sulu, Laut Sulawesi, dan Samudera Pasifik. Ini negare adalah negare kepulauan dengan 7.107 pulau tanpa perbatasan darat dengan negare mane pun. Filipina terbagi jadi 3 wilayah geografis yaitu Luzon, Visayas, ame Mindanao. Pulau tergedenye adalah Pulau Luzon, di mane Manila, ibukotenye, terletak. Negare jirannye termasuk Brunei, Malaysia Timur, Palau, Vietnam, ame Taiwan. Ini negare dilaluin ame Cincin Api Pasifik (Pacific Ring of Fire), karnanye terdapat seabrek gunung api dan kerap terjadi gempa bumi. Badai siklon tropis juga sering banget terjadi, soalnye ini negare terletak di daerah lintang di atas 10o LU.
Luas 'ntu negara adalah 300,000km2. Populasi negare itu adalah 92,337,852 menurut Sensus Penduduk 2010, dengan kepadatannye sebesar 308 orang/km2. Karnanye, negare itu adalah negara terbanyak penduduknye ke-12 di dunia.