| Kiblik Pèderal Dètslan Bundesrepublik Deutschland (Dèt) | |||
| |||
.svg)
| |||
| Ibu negeri | Berlèn | ||
| Nama pengendek | Dèt, Jèrman | ||
Dètslan (hurup Arab Gundul: ديتسلند; Dèt: Deutschland) atawa Negeri Dèt[1] (hurup Arab Gundul: نݢرى ديت) atawa mashur juga' Jèrman (hurup Arab Gundul: جرمن) atawa resminya Kiblik[2] Pèderal Dètslan (hurup Arab Gundul: کبليک فيدرال ديتسلند; Dèt: Bundesrepublik Deutschland) entu negara nyang ada di Èropa Tenga. Ni negara punya nama jengkep kadang disingket jadi KPD (atawa singketan Dètnya BRD). Adapun dia punya hopstad[3] atawa sintrem entu Berlèn.
Di blèlirnya Dètslan ada Laot Lor ama Baltik, serènta Kerajaan Dènemarken. Adapun di blètannya ada negara Polen ama Kiblik Cèk. Sebagé lagi, di bekidulnya ada Ostenrèk ama Switserlan. Sementara entu, di bekulonnya ada Prasman, Leksembereh, Bèlgi, ama Welanda. Luas wilayah antèronya Dètslan entu 357.021 km2 (atawa surup ama 137.847 mil persegi). Sebagèan besar Dètslan punya wilaya ada punya musim anget ama musim salju. Selamanya bulan Maret 2021, Dètslan gableg penduduk 83,1 juta orang, nyang mengrupa'in negara paling gedé kedua di Èropa abisnya Ruslan. Dètslan juga' salah atu negara nyang paling populèr bakal orang hijrah, selaènnya Amrik Serèkat.
Orang Dètslan digero'nya Orang Dèt (hurup Arab Gundul: اورڠ ديت).
Ruju'an
- ↑ "Negeri Prasman". Bintang Betawi. (30 April 1873). Ditulisnya di tu koran – negeri Duitsch.
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
- ↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).