Cina atawa name resminye Republik Rakyat Cina/RRC (Aksara Mandarin: 中华人民共和国, Zhōnghuá Rénmín Gònghéguó) 'ntu adalah sebuah negare nyang letaknye di Asia Timur. Ibukote Cina adalah Beijing tapi kote tergedenye adalah Shanghai. Ini negare adalah negare berpenduduk terbanyak di dunie, dengan jumlah penduduknye 1,353,821,000 pade taun 2012. Kepadatan penduduknye 139.6 orang/km2. Luasnye 9,706,961 km2 atau ketiga terluas di dunie.
Cina entu negare nyang punye ekonomi tergede kedua di dunie setelah Amerika Serikat dengan jumlah GDP sebesar AS$12,382 triliun pade taun 2012. Tapi kerene jumlah penduduknye nyang bejibun, pendapatan per kapitanye cume AS$9.146. Ini negare masih temasuk negare berkembang.