| Ni makalè ditulis paké logat Kotè. |
Haji Benyamin Suaèb (hurup Arab Gundul: حاج بنيامين شعيب) atawa Benyamin Suèb (hurup Arab Gundul: بنيامين شعيب) atawè bekèn dipanggilnyè Bang Bèn (hurup Arab Gundul: بڠ بن) (5 Maret 1939 – 5 Sèptèmber 1995)[1] entu tukang lakon, tukang bodor, amè dalang pèlem, serèntè tukang nyanyi Betawi. Bang Bèn udè ngejè adè 27 album gending amè 53 judul pèlem lebi. Bang Bèn jugè masup ke dalem daptar The Immortals: 25 Artis Indonesia Terbesar Sepanjang Masa pèrsi majalè Rolling Stone Indonésia.[2]
Awal-awalnyè
Bang Bèn lair 5 Maret 1939 di Kemayoran, Betawi. Bang Bèn punyè orang tuè entu Suaèb amè Aèsè. Babènyè punyè namè asli entu Sukirman, cuming ganti namè jadi Suaèb sedari diè ngejogrog di Betawi.[3] Pas diè punyè umur misi duè taon, babènyè Bang Bèn wapat.[4] Pas masing kecit, barengan amè 7 abang-empo'nyè, Bang Bèn sempet mbikin Orkès Kalèng.[5] Bang Bèn mulain Sekolè Ra'yat Bendungan Jago sedari umur 7 tahon.[6] Diè punyè jadi di duniè gending awalnyè pas nimbrung amè atu paguyuban namè Nagè Mustikè. Bolè dikatè, ni paguyuban nyang ngejogrog di sekiteran Cengkarèng nyang nganterin Bang Bèn punyè namè bakal jadi atu tukang nyanyi nyohor di Indonésia.[7][8] Selaènnya Bang Bèn, ni paguyuban gending jugè ngajakin Idè Royani bakal dibeduain amè Bang Bèn. Jaman bejaman, deduaan Bang Bèn amè Idè Royani jadi deduaan tukang nyanyi nyang paling nyohor lagito di Indonésia. Hatè, lagu-lagu diè punyè bawain jadi tènar amè ngranggeh keberasilan nyang gedé ampé-ampé Lilis Suryani—nyang lagito atu tukang nyanyi paling nyohor—kesaingan amè diè padè.[9]
Ruju'an
- ↑ Ginting, Asrat; ènh. (2009). Musisiku. Jakartè: Republika. ISBN 978-979-1102-52-0. h. 16.
- ↑ Majalah Rolling Stone Indonesia (2008). The Immortals: 25 Artis Indonesia Terbesar Sepanjang Masa. Jakartè: PT a&e media.
- ↑ Wahyuni (2007). Kompor Mleduk Benyamin S: Perjalanan Karya Legenda Pop Indonesia. Hikmah. ISBN 978-979-1140-75-1.
- ↑ "Seniman Betawi Serba Bisa". tokohindonesia.com. Diarsipin deri nyang asli per 4 Pèbruari 2013. Dibuka per 5 Sèptèmber 2023.
- ↑ Iskandar, Salman (2009). Ramadhan, Dadan; Suryani, Yani (per.). 99 Tokoh Muslim Indonesia. Bandung: Dar! Mizan. ISBN 978-979-752-682-5. h. 194.
- ↑ Imanjaya, Ekky (2006). A to Z About Indonesian Film. Bandung: Dar! Mizan. ISBN 978-979-752-367-1. h. 105.
- ↑ Ginting, Asrat; ènh. (2009). Musisiku. Jakartè: Republika. ISBN 978-979-1102-52-0. h. 16.
- ↑ Wahyuni (2007). Kompor Mleduk Benyamin S: Perjalanan Karya Legenda Pop Indonesia. Hikmah. ISBN 978-979-1140-75-1. h. 23–4.
- ↑ Sakrie, Denny (20 Juni 2011). "Benyamin Sueb". RollingStone Indonesia. Diarsipin deri nyang asli per 21 Sèptèmber 2012. Dipungut per 5 Sèptèmber 2023.