Bandara Internasional Soekarno-Hatta atau kerap disingkat jadi Soetta 'ntu adalah bandara tergede dan terame di Indonesia. Ini bandara letaknye di Cengkareng, Tangerang, Banten, mangkanye orang banyak yang nyebutnye Bandara Cengkareng. Jaraknye kire-kire 20 km dari Jakarte. Bandara ini dinamain dengan nama kedua proklamator Indonesia nyang juge Presiden ame Wakil Presiden pertame Indonesia yaitu Soekarno dan Hatta.
Ini bandara mulai dibuka pade taun 1985, nggantiin Bandara Domestik Kemayoran di Jakarta Pusat ame Bandara Internasional Halim Perdanakusuma di Jakarta Timur. Penerbangan internasionalnye dimulai pas Terminal 2 nye dibuka taun 1992, terus Terminal 3 dibuka taun 2009. Tapi pada taun 2010, jumlah penumpangnye udah sampe 43,7 juta orang, ngelebihin kapasitasnye nyang cuma 38 jute. Pade taun 2012, jumlah penumpangnye sebanyak 57,8 juta orang, nempatin 'ntu bandara sebagai bandara terame dan tersibuk nomer 9 di dunia dan nomer 3 di Asia setelah Bandara Internasional Beijing dan Bandara Internasional Haneda Jepang.
Walopun ini bandara udeh melebihin kapasitas, Airport Council International udeh nyatain kalo 'ntu bandara masih aman buat digunain. Untuk ngatasin kelebihan kapasitas bandara, pade tanggal 2 Agustus 2012 udeh dilakuin peletakan batu pertama di Terminal 3 buat dijadiin sebuah Aetropolis nyang bakal nampung 62 juta penumpang tiap taunnye. Diperkirakan akan selese taun 2014.
Pade Mei 2008, ForbesTraveller.com nyatain kalo ini bandara merupakan bandara nyang paling tepat waktu ke-6 di dunia dengan 86,3% penerbangannye berangkat tepat waktu dan 72,3% penerbangan menuju 'ntu bandara nyampe tepat waktu.
