Apo tu rena ni pute' masam tana' pilit genuulan diam penapa' amun mapa'. Apo tu binuat lua' ta' kulit kuang ntawa kulit timung. Kulit timung tu tinunu' makay kayu boo'pasal api kayu boo' tu lema' engko' nya' ben boro. Amun ben boro engko' api ni keras, ansur kulit timung e jadi dodok siguul engko' abuk kayu boo'. Amun ai no tunu', nendo' kulit timung e benersi bo' ngena' e diam bisin, tenata' engko' bue dekiit bo' nongkob e lapat endo' nya' osok beriu. Lapas dengsongom binuka' bisin e, jadi no apo masam dodok. Enggai pemapa' jo, apo tu pan buli binuat toos kotol bagas nyamuk ngeket, tanda ngiro engko' tanda' ruma'.
