Baule aniɛn'n (Baoulé) ɔ ti sran ble aniɛn kun mɔ fin Akan ɔ ni Tano aniɛn mun be akpasua su. Baule nvlefuɛ mun be aniɛn niɔn. Be kan i dan Côte d'Ivoire mɛn'n i nvle nga bé o i afiɛn lɔ, kɛ Bouaké, Yamoussoukro, Dimbokro, Béoumi, Sakassou, Daoukro, Bouaflé, Kouassi Kouassikro, Bodokro, Bocanda, Ouelle, M'bahiakro, Toumodi, Tiébissou ɔ ni Didiévi sa mun, be su.
Kwlɛlɛ
editBe kwlɛ Baule aniɛn'n (baoulé) i Latɛn alfabɛt nun, yɛ be kwlɛ i nin fluwa mma wie mun ekun, kɛ nga mmla nga Orthographie pratique des langues ivoriennes bɔ Institut de linguistique appliqué ivoirien fa kwlɛli i afuɛ 1979 nun’n sa, fluwa mma sɔ mun be kwlɛlɛ'n su sisielɛ wafa wie'm be o lɛ laa, yɛ e klwa se'n bé tɛ o lɛ ndɛ bɔbɔ.
Alphabet ILA
edit| A | B | C | D | E | Ɛ | F | G | GB | I | J | K | KP | L | M | N | NY | O | Ɔ | P | R | S | T | U | V | W | Y | Z |
| a | b | c | d | e | ɛ | f | g | gb | i | j | k | kp | l | m | n | ny | o | ɔ | p | r | s | t | u | v | w | y | z |
| an | ɛn | in | ɔn | un |
Kalɛ
edit- 1 : nkun
- 2 : nnyɔn
- 3 : nsan
- 4 : nnan
- 5 : nnu
- 6 : nsiɛn
- 7 : nso
- 8 : mɔcuɛ
- 9 : ngwlan
- 10 : blu
- 11 : blu-nin-kun
- 12 : blu-nin-nnyɔn
- ...
- 19 : blu-nin-ngwlan
- 20 : ablaɔn
- 21 : ablaɔn-nin-kun
- ...
- 30 : ablasan
- 40 : ablanan'
- 50 : ablenu
- 60 : ablesiɛn
- 70 : ableso
- 80 : ablɔcuɛ
- 90 : ablangwlan
- 100 : ya kun
- 101 : ya kun nin kun
- ...
- 200 : ya nnyɔn
- 300 : ya nsan
- ...
- 1000 : akpi kun
- 10000 : akpi blu
- 10001 : akpi blu nin kun
- 11000 : akpi blu nin kun
- 100000 : akpi ya kun
- 1000000 : akpingbin
- 1000000000 : akpingbingbin
Ninnge mun be yrun kpajalɛ mun
editBaule mun be flɛ ninnge mun be nyin kpajalɛ i wafa nsan:
- Ble : ble sɔ'n i wafa ti ble tritri, ble ble, ble nnya nnya, ble nzue nzue, nan i ngba bɔbɔɔ.
- Ɔkwlɛ anzɛ cɔkwlɛ: ɔkwlɛ'n i wafa ti ɔkwulɛ moja moja, ɔkwlɛ youun, ɔkwlɛ srosrowa,ɔkwlɛ kankankan, nan i ngba bɔbɔɔ.
- Ufue: ufue'n i wafa yɛlɛ ufue fitafita, (beige, kaki)
Be nga bɔ ngbacɛ o be flɛlɛ nun, ninnge nga be o mɛn’n nun’n bé yɛ be fa flɛ beɔ.