مبارک کازی مہ ۲۴ءِ دسمبرءِ ۱۹۵۵ءِ میلادی رمسا مہ پسنیءِ تیابدپی شارا پہ اے دگنیائا آتک، کازیئا وتی بنداتی وانگ وتی شارءِ تۏکا وانت ءُ دربُرت اَنت پدا رندا وتی بند ءُ بستی کُت اَنت کراچیءِ شارا شُت، ءُ وتی میانی وانگی مہ سندءِ اسلامی ازمءِ کالجءِ تۏکا وانت اَنت، رند چہ چھر کنگ دݔم پہ پسنیئا بلۏچستانءِ زانتجاھا پہ میان استمانی نیادیئا وانگءِ واستا زیرگ بیت، رند چہ وانگءِ ھلاس کنگا شُت پسنیئا ءُ اۏدا پسنی ماھیگءِ تیابءِ مالی ءُ پولی کارمستر بیت ءُ رندا چہ اے کارا نندکار بیت
مبارک کازی بلۏچ | |
|---|---|
 مبارک کازیءِ اکس | |
| پدلݔن نام | مبارک کازی |
| بییگ | ۲۴ءِ رۏچ ۱۲ءِ ماہ ۱۹۵۶ءِ میلادی رمسا[1] پسنی، رۏدرآتکی بلۏچستان |
| نمیران بیتگ | ۱۶ءِ رۏچ سپتمبرءِ ماہ ۲۰۲۳ءِ میلادی سال سنگانی سر تربت، کݔچ، رۏدرآتکی بلۏچستان |
| نمیرانی جاگاہ | پسنی |
| توارنام | اَبا کازی |
| شائری نام | کازی |
| پݔشگ | لچچہ کار |
| راج | بلۏچ(وتی گُشگ) |
| زمانگءِ ھکومت | پاکستانءِ ھکومت مہ بلۏچستانءِ سرا |
| لککگءِ ڈؤلپئیم | انکلابی ڈؤل |
| لبزانکی زرمبشت | انکلابی بلۏچی شائری |
| کتابان | ھانی منی ماتݔن وتن، سبزݔن سواد، شکلیان جؤرانی برۏد |
| مزن زانتیءِ دلیل ءُ مۏلم | بلۏچی انکلابی لچچہ کاریءِ واستا |
| پدی اِشتگ پہ | نۏکݔن بلۏچی انکلابی لچچہ کار |
لچچہ کاری edit
کازیئا چہ وتی وانگءِ وھدا بلۏچی لچچہ کاری بنگݔج کُت، اولی لچچہ کاریئان دپتر گۏنزرنویشات مہ ۱۹۹۰ءِ سالئی لکک اِت ءُ گڈڈی لچچہئانءِ دپتر شکلیان جؤرانی برۏد مہ ۲۰۲۲ءِ سالا لککگ بیت، کازیءِ لچچہ نورمھمد بزنجوا ھن وانتگ اَنت۔ [2]
انکلابی لچچہ کاری edit
کازی وتی زندءِ تۏکا یک مزنݔن لچچہ کارے بیت ءُ پہ بلۏچی زبانئی لکک اِت،گݔشتری کازیءِ لبزانکی نبشتہ بلۏچ اۏشتاکیءِ زرمبشت ءُ بلۏچی راجدۏستی ءِ واستا لککگ بیتگ اَنت، کہ بلۏچی ورنایانءِ واستا یک مزنݔن لچچہ کارے بیتگ، لھتے چہ کازیءِ کارپد پہ کوئیٹہ ءُ گوادر ءِ درامدݔن مردمانءِ آرگا لککگ بیتگ اَنت، مبارکءِ لھتے دگہ کارپد گۏن سبزݔن سواد، ھانی منی ماتݔن وتن ءُ بازݔن دگہ ارزشمندݔن کارپد بیتگ اَنت۔[3]
نمیران بییگءِ کݔس edit
کازی شنبہ/جتتیءِ سباھا ۱۶ سپتمبر ۲۰۲۳ئا مہ سنگانی سرا بابو المءِ لۏگا وتی ساھی چہ دست داتگ ءُ نمیران بیتگ [4]
سرچممگ edit
- ↑ مبارک کازیءِ زندءِ کݔس | The Baloch News
- ↑ DAWN
- ↑ The Balochistan Post ءِ نبشتانک کازیءِ بارہئا / ۱۷ سپتمبر ۲۰۲۳
- ↑ رئیڈیو زرمبش