بلۏچی ویکی پدیاءِ رھبند یک رھبندی وڈے کہ مہ ویکی پدیاءِ تۏکا کار گِرگءَ بیت، اے رھبند ھمے بلۏچی ویکی پدیاءِ راہ ءُ رھبند اَنت کہ شما باید اِنت ادا پہ کار بہ گِر اِت
بلۏچی ویکی پدیاءِ کارمستران edit
اگہ شمارا مشکلے پݔش آتک یا اگہ نن جُستے ءُ پرسے ھست اَت گۏن کارمستران کولہ ءُ پئیگام بہ کن اِت، شمئی کولہ باید بلۏچی یا انگرݔزی زبانا بہ بئ اَنت۔
* User talk:Moshtank
بلۏچی ویکی پدیاءِ رھبند edit
ھمے پئیما کہ ادا لککگ بیتگ شما باید اِنت چہ ھمے رھبندان ادا لککگءِ واستا کار مرز بہ کن اِت ادا ما لککتگ کہ شما باید چہ چہ سیاھگے کار مرز بہ کن اِت چہ پئیما نبشتانک بہ لکک اِت ءُ ادءِ کانود چے اَنت۔
گار کنگءِ ھُژژاری edit
ادا شما باید اِنت کہ بلۏچی ویکی پدیاءِ رھبندانءِ گۏنا وتی نبشتانکا بہ لِکک اِت دگہ پئیمݔن نبشتانک کہ پہ گئید چہ سید زھور شاہءِ رھبند یا استانداردݔن رھبندءِ سرا لککگ بہ بئ اَنت گار کنگءَ بئ اَنت بلۏچی لاتینءِ اب ادا تݔوکا پہ نامءِ واستا کارمرزءَ بیت دراھیگݔن نبشتانک نباید پہ لاتین ءُ رومنی سیاھگا بہ بیت، لاتین سیاھگءِ بلۏچی ویکی پدیا بلکݔن رند چہ اے ویکی پدیائا بنݔنگ بہ بیت، اگہ نبشتانکے گۏن لاتین یا رومنی سیاھگا بہ بیت نبشتانک گار کنگءَ بیت یا اگہ بھرے چہ نبشتانک لاتین یا رومن بہ بیت ھما بھر گار کنگءَ بیت۔
بلۏچی ویکی پدیاءِ سیاھگ edit
ھما پئیما کہ شما گند اِت ادا ما گۏن بلۏچی استانداردݔن الپبے لککتگ کہ شما باید اِنت ادا ھمے سیاھگءِ سرا یا پہ سید زھور شاہءِ رھبندا نبشتانک بہ لِک اِت اگہ شما استانداردݔن سیاھگا نہ زان اِت گُڈا پہ
سیدءِ رھبندا بہ لِکک اِت اول شمئی واھشت گۏن استانداردݔن سیاھگا بہ بیت۔
ھنچۏ ھن شما تۏن اِت چہ بلۏچی سیاھگانءِ پُھلءِ کتابا کومک بہ گِر اِت کہ چہ پئیما سیدءِ رھبندا پہ استانداردݔن سیاھگا بہ لکک اِت۔
سیدءِ سیاھگءِ مَٹٹ گۏن استانداردݔن سیاھگا edit
- ں سیدءِ سیاھگا ھست اِنت ءُ تݔوکا گالانءِ گُڈڈی جاھا کئیت اے اب چہ اردو ابان گرَگ بیتگ بلئ بلۏچیءِ تۏکا اشی گالانءِ میانا ھن کئیت چۏ کہ;اَنز، دنز، پتَنگ، رنگ بلئ استانداردݔن سیاھگانءِ تۏکا گوَنڈیءِ نشان/◌ٚ/ ھۏر کنگ بیتگ اے نشان باز زلوری نئن پرچے کہ ھر بلۏچے وت زانت چہ پئیما ن وانگءَ بیت لھتے گال گۏن گونڈیءِ نشانا اَنٚز، دنٚز، ڈنٚگ، پتنٚگ،تمشانٚ،شونٚزݔنٚ اَنت۔
- ـاں اولی تݔوکݔن جھمنند(شَکس)ءِ اگبندءِ رندوَنڈ مہ استانداردݔن سیاھگءِ تۏکا ـون اِنت، دلیل اشی اِنت کہ ـان ھۏرݔنانءِ واستا کارمرزءَ بیت چۏ کہ گنۏکان ادا نین مردم نہ زانت اے گالبندءِ گشۏک وت گنۏک اِنت یا کہ ھمݔدگہ لھتے گنۏکا گُشگئن۔
- ۏ ءُ ݔ دو نۏکݔن سیاھگ اَنت کہ استاندارݔن سیاھگان ھۏر کنگ بیتگ اَنت، اے سیاھگ سیدءِ رھبندانءِ تۏکا
- ڑ استانداردݔن سیاھگءِ تۏکا گار کنگ بیتگ، ڑءِ جاگاھا ڈ لککگءَ بیت ، گڑاءِ جاگاھا گُڈا بہ لکک اِت اگہ شما را گُڈّ لککگیگ اِنت چݔری بھرا بہ وان اِت۔
- ◌ّ شَددءِ نشان استانداردݔن سیاھگءِ تۏکا ھن گار کنگ بیتگ اے نشانءِ جاھا ھما سیاھگ کہ آیی ترُند وانگءَ بیت ھما سیاھگا دوبرا دُمب پہ دمب بہ لکک اِت چۏ کہ /گُڈڈی/کَررَگ/دِررَگ/وششَھت/لِککَگ/
سرچممگ ءُ کپی کنگءِ ڈؤل edit
ادا ھما پئیما کہ سیدءِ رھبند اِنت چہ ح ذ ص ض ط ظ ع غ ف کارمرز مہ کن اِت لھتے جاھا شما تۏن اِت چہ خ کار مرز بہ کن اِت ھنچۏ ھن چہ ݔ ءُ ۏ نۏکݔن استانداردءِ سیاھگ اَنت کارمرز بہ کن اِت۔ اگہ شما چہ یک سایت،کتاب یا دگہ جاھے یک چیزے کار اِت ءُ ویکی پدیاءِ تۏکا لکک اِت باید اِنت کہ پہ ھما چیزئی سرچممگ بہ دئ اِت پہ اے کارءِ واستا ھمے کہ نبشتہ ھلاس بیت گُڈا اول <ref> بہ لِکک اِت پدا سایتءِ لینک یا کتابءِ نام وت ءُ ھما تاکءِ لمبر کہ اے نبشتہ اۏدا ھست اِنت بہ لِک اِت پدا رندا </ref> بہ لکک اِت۔ اے چیزا مہ شمۏش اِت کہ آ نبشتہ کہ سایت یا کتابءِ تۏکا لکک اِتگ ھما پئیم پئیمئی مہ لکک اِت کمے دگہ ڈؤلئی بہ لکک اِت
گݔشتر edit
گݔشترݔن چیز پدا رندا ادا ھۏر کنگءَ بئ اَنت۔