Wp/bbc/Amerika Serikat

< Wp‎ | bbcWp > bbc > Amerika Serikat
Amerika Serikat
United States of America
Flag of the United States.svg Greater coat of arms of the United States.svg
Mandera Partanda
Moto :
In God We Trust (resmi)
(Inggeris: "Hami porsea di Debata")
E pluribus unum (tradisional)
(Latin: "Marimbar tongtong sada")
Logu habangsoan :
The Star-Spangled Banner
USA orthographic.svg
Peta ni Amerika Serikat

Amerika Serikat (Hata Inggeris : United States of America), manang dijou Amerika sambing, i ma sada nagara na marrupa republik di Banua Amerika. Adong do lima pulu nagara bagian jala sada distrik federal. Huta sabungan ni Amerika Serikat maringanan di Washington D.C.. Kota na umbalga di Amerika Serikat maringanan di Kota New York.
Maringanan di tonga ni Amerika Utara jala diholangholangi Samudora Pasifik di bariba hasundutan dohot Samudora Atlantik di bariba habinsaran, marbatasan dohot Kanada di bariba utara huhut Meksiko di bariba dangsina. Na tarsirang do dua nagara bagian na asing sian luat utama ni Amerika Serikat, i ma Alaska dohot Hawaii. Nagara bagian Alaska maringanan di bariba ujung manabia Amerika Utara, marbatasan dohot Kanada di bariba habinsaranna huhut Rusia di bariba hasundutanna, na disiranghon Laut Gonting Bering. Salanghon nagara bagian Hawaii i ma sada hapuloan na maringanan di Samudora Pasifik. Amerika Serikat marnampunahon do pe pigapiga teritori di Pasifik dohot Karibia.

GeograpiEdit

 
Luat utama Amerika Serikat molo diida sian satelit

Bidang ni luat utama Amerika Serikat i ma 2.959.064 mil persegi (7.663.941 km2). Alaska, na tarsirang sian luat utama Amerika Serikat marhite Kanada, i ma nagara bagian na umbidang, huhut 663.268 mil persegi (1.717.856 km2) do bidang ni luatna. Hawaii maringanan di tongatonga ni Samudora Pasifik, di bariba nariti ni Amerika Utara, huhut 10.931 mil persegi (28.311 km2) do bidang ni luatna.

DemograpiEdit

PopulasiEdit

 
Punguan ni puak pinompar di Amerika Serikat na marbingkas sian keterangan ni County, 2000

Diparhirahon Biro Sensus Amerika Serikat do bilangan ni jolma di Amerika Serikat sadari on i ma 315.585.000 jolma, tarmasuk pe 11,2 juta warga negara sileban na tading songonna ilegal.[1] Lam martamba andos opat hali lipat do populasi ni Amerika Serikat di abad paduapuluhon sian hira-hira 76 juta jolma di taon 1900.[2] Bilangan nion mambahen Amerika Serikat gabe nagara na gumodang di portibi on nunga Republik Halak Sina dohot India.

ParhataanEdit

Hata Inggeris (Inggeris Amerika) i ma hata nasional de facto. Nang pe soada hata resmi di tingkat federal, pigapiga uhum songon uhum naturalisasi Amerika Serikat mambahen standar pamarhaseanghon hata Inggeris ansiat hata resmi.
On ma parhataan na gumodang dipangke di Amerika Serikat

Parhataan (2010)[3]
Inggeris 229,7 juta
Spanyol, dungkon i Kreol 37,0 juta
Mandarin 2,8 juta
Perancis, dungkon i Kreol 2,1 juta
Tagalog 1,6 juta
Vietnam 1,4 juta
Korea 1,1 juta
Jerman 1,1 juta

PustahaEdit

  1. Camarota, Steven A., dohot Karen Jensenius (2008). "Homeward Bound: Recent Immigration Enforcement and the Decline in the Illegal Alien Population" (PDF). Center for Immigration Studies.
  2. Biro Sensus Amerika Serikat. "Statistical Abstract of the United States"
  3. "Language Spoken at Home by the U.S. Population, 2010", American Community Survey, U.S. Census Bureau, di bagasan World Almanac and Book of Facts 2012, alaman 615.