Wp/arq/(ولاد فارس (شلف

ولاد فارس للي كانو يسموها بكري لاربعا ولاد فارس ومن بعد فارنيي . في وقت لستعمار .هي بلدية من بلديات الشلف فلجزاير

تاريخ

البلدية تاع اولاد فارس تاسست في وقت الاستعمار في 1887 وين تسمات باسم الفرانساوي اوغيست فارنيي واللي كان طبيب في لارمي تاع فرانسا. اولاد فارس كانت جزء من ولاية الجزاير من بعد ولات تابعة لاورليون فيل اللي تاسست 1956 بلدية اولاد فارس رجعت دايرة بعد التقسيم الاداري تاع 1984

|في عام 1887 مدينة اولاد فارس كان اسمها فارنيي .في عام 1958 اولاد فارس كانت جزء من القسم الفرانساوي القديم تاع الدزاير قسم اورليون فيل.من بعد الاستقلال صبحت يسموها اولاد فارس.

الموقع

البلدية تاع اولاد فارس جاية فالوسط تاع لولاية تاع شلف .على 15 كيلو في جهة الشمال الغربي تاع شلف. و40 كيلو جنوب شرق تنس.

لمساحة

المساحة تاع بلدية ولاد فارس244 كيلومتر مربع و للي خلاها تولي من بين اكبر لبلديات تاع ولاية شلف الحدود تاع بلدية ولاد فارس. بلدية اولاد فارس جاية في وسط ولاية الشلف .يحدها من الشمال لبلدية تاع بوزغاية ولبلدية تاع تاجنة . و من الجنوب لبلدية تاع واد سلي .الشطية والشلف .يحدها منجهة الغرب لبلدية تاع الصبحة ولبلدية تاع لهرانفة .و من جهة الشرق تحدها لبلدية تاع لبيض مجاجة لبلدية تاع ولاد فارس جاية في وسط سلسلةجبلية تاع الظهرةو حوض الشلف.

البلايس الي تابعين للبلدية

ولاد فارس سونطر- عين بوزيد - حي سي بلقاسم - حرايق - ولاد بوزيان - ولاد لحاج مصطفى - ولاد سيدي هني -

- ولادصبايحية - خمس نخلات - حمايمية - ىولاد بوشاقور - ولاد لحاج قدور - ولاد سي شريف - زمالة.لعيايدة - لجواليل - لحقاف - ولاد براهيم- ولاد حمدان - السعايدية -الشرفة -لغشاشمة -ولاد بن عربية -ولاد لجيلالي بن يحي - ولا د هني - لحي لفلاحي حوش لغابة - شوايمية - قطايبية - ولاد بواعلي

السكان

السكان تاع ولاد فارس وصلو لحتى ل 37404 ساكن مقسمين على ثلاث بلايص :

-ولاد البلاد 11903 ساكن

-بلايص الي علا برا 11226 ساكن

-سكان ثانويين 14280 ساكن

النسب تاع سكان ولاد فارس

يرجع النسب تاع سكان اولاد فارس الى فارس بن عنان بن محمد بن عبد الله بن علي بن قرة بن عمرو بن عبد مناف بن هلال بن عامر و هو عرش هلالي دخلوا لشلف فلقرن التاسع من الهجرة اي لقرن لخامس عشر ميلادي جايين ملغواط و ليوم مستقرين فولاد فارس و الشطية و لبيض مجاجة .

الجامعة

• 

لجامعة تاع حسيبة بن بوعلي جاية في ولاد فارس , فتحت في 2007 , مساحة تاعها 8 قطارات , مدولها لاسم تاع المجاهدة حسيبة بن بوعلي هاد الجامعة يجو ليها قريب 26000 ايتيديون مقسمين على 9 كليات او معهد , كاين فيها 75 شعبة في ل م د او و قريب 112 شعبة فلماستار , يقروا فيها 1083 شيخ و الخدامين كاين 1195 . زيد عله هدا كاين ريع اقامات وين يباتو لبنات و دراري , كاين فيها تاني بوستا صغيرة باش يجبدوا الخدامة او ليزيتيديون دراهمهم

ادارة و سياسة

مور لاستقلال تاع بلدية تاع ولاد فارس حكموها لميار هاذو :خروبي بومداح احمد ( 1962-1964) ; هني محمد ( 1964-1966) ; مشعشع احمد (1966-1971) ; زيدان احمد ( 1971-1975); بلعاليا دومة ( 1975- 1979 ) ; مشعشع احمد ( 1979- 1984 ) ; محمدي بوزينة ( 1984 -1989) ; شرفة محمد ( 1990-1992) ; بوطابة امحمد ( 1997-2001 ) ; بركات امحمد ( 2002-2007 ) ; هني محمد (2007-2010); عبد غلام احمد ( 2010 -2012 ) .

باش تتميز بلدية

بزاف سكان تاع ولاد فارس يخدمو الفلاحة و لوخرين مقسمين على الادارة ولا يخدمو عند رواحهم . في ولاد فارس كاين شعال من بلاصة وين يخرجو الرملة و الطين , هاذو بلايص جايين في حوش الغابة , سيدي دلة في عين بوزيد او لا كابير .

بلايص لقدم و لعوايد الي كاينين في ولاد فارس

كاين حبس قديم جاي في خمس نخلات كانت تستعملو فرنسا وقت الثورة , كانت تعذب فيه لمجاهدين , ملعام للعام لفارسيين مشهورين بوعدة الي هي لوعدة تاع سيدي معمر الي يديروها في خمس نخلات و يجو ليها ناس بزاف من كامل بلديات تاع لولاية .