Wp/arq/(تونس (دولة

< Wp‎ | arqWp > arq > (تونس (دولة

توونسEdit

توونس تونس رسميا لجمهورية تونسية دولة جاية في شمال تاع القارة الافريقية جاي في شمال تاعها البحر لبيض لمتوسط و من لجنوب شرقي ليبيا و من لغرب دزاير لعاصمة تاعها هي مدينة تونس و مساحة تاع لجمهورية تونسية 16361 كلم و علا حساب الاحصائيات توالة في 2014 لحق عدد سكان تاعهم 10 ملاين و 982.8 نسمة كانت تونس حاجة كبيرة في تاريخ لقديم من عهد الفنقيين و لامازيغ و القرطاجيين و الونداليين و الرومان كانت معروفة باسم مقاطعة افريكا في وقت الحكم الروماني تاعها و اللي بسمها سماو كامل القارة دخلوها المسلمون في القرن سابع من الميلاد و داروا تاسيس تع مدينة القيروان في 50 هجري و كانت لمدينة الاسلامية اللولة في شمال تاع افريقيا في وقت الدولة العثمانية كانوا يسموها الايالة التونسية و دخلوا عليها فرانسا و احتلوها في 1881 و عاودو استقلوا في 1956 رجعة رسميا المملكة التونسية مع اللخر في لعهد تاع محمد لمين باي و مبعد اعلنوا علا الجمهورية التونسية في 25 جويلية 1957 و رجع لحبيب بورقيبة الريس لول فيها و مبعد جا زين العابدين بن علي في 1987 دار عليه و دارلو الانقلاب و رجع هو الرئيس و قعد حتي 2011 و هرب علا جال الثورة التونسية اعتمدت تونس على الخدمة الموجهة نحو التصدير في عملية تحرير و خصخصة الاقتصاد اللي وصل قاع الحساب التاعهم المحلي 5 بالميا من زمان 1990 و يقولوا بلي تونس عانت من الفساد وقت الريس اللي فات السابق تونس عندها علاقات مليحة و قديمة مع المريكان و الاتحاد تاع اوروبا و هي حليف رئيسي خارج الناتو و عندها قاوي تاع اتفاقيات شراكة متقدمة دايرتها مع الاتحاد تاع اوروبا و اللي ينحسب المشتاري اللول تاع تونس و الحليف الاقتصادي القوي تونس هيا فان عضو في جامعة تاع الدول العربية و الاتحاد الافريقي و دارت تونس علاقة شابة مع فرانسا علا جال التعاون الاقتصادي و باش يتقدموا في الصناعة و برامج الخصخصة و هيا دارت النهج اللي تبعو الحكومة في الصراع بين ليهود و فلسطين و هيا فاني وسيط في المجال تاع الدبلوماسية في شرق الاوسط و تعاون قاوي باش دير السلام في العالم على حساب القوات لي عندها في البلايص تاع النزاع و لي جاية تابعة للامم المتحدة.

منين جاي اصل الاسم تاعهاEdit

جاي الاسم تاعها من اسم العاصمة اللي عندها اسم كيف كيف معاها و كل واحد واش يقول على تسمية المدينة مختالفين فالاراء كاين لي حاسب الاسم تونس جاي من وقت الفينيقية موالفين اسموا المدينات بالهتها الرئيسية و في حالة تونس فهي تانيت بعض المدارس العربية و قالوا اصل الكلمة جاي من جذور عربية من المدينة القديمة ترشيش و كاين لي قالوا اصل الكلمة هو تينس الي وصفها دبودورس و بوليبيوس و يبدو وصفها قريب من القصبة من جوايه تاع تونس دروك و اشار فان المؤرخ عبد رحمن بن خلدون كلمة تونس الاصل تاعها الي طلقوه على حاضرة شمال افريقية علاجال ما هي معروفة بيه من ازدهار عمراني و حيوية اقتصادية و حركية ثقافية و اجتماعية و قال اسم تونس جاي من وصف سكان لي ساكنين فيها و اللي يجوا ليها ينعرفو بلي يستقبلوا مليح و كورامة و كاين فاني لي قال بلي الكلمة من جذع فعل انس القبايلي و المعني تاعوا هو قضاء الليلة و بدلوا المعني في الوقت و البلاصة و بلاك تكون كلمة تونس دات معنى تاع مخيم ليلي ولا مخيم ولا بلاصة يحبسوا فيها و كاين مراجع مكتوبة من الحضارة الرومانية لقديمة تذكر بمدن قريبة بسموات كيما تونيزا دروك القالة و تونسودي دروك سيدي مسكين و تونسوت دروك بير بورقبة و تونسي دروك راس الحبل هاذوا القريات كانوا جايين علي الطريق الرومانية و حاجة باينة كانوا كيما المحطات يحبسوا فيها باش يريحوا تسمية البلاد في اللغات اللاتنية اللي تزيدلها كيما الانجليزية و هي تطورية من تسمية الجغرافيين و المؤرخين تاع فرانسا اللي سماوها في اواؤل القرن 19 كجزء من الجهود تاعهم اللي كانوا يحوسوا يعطو اسماء للاراضي لي كانت تحتلهم فرانسا كلمة تونس المشتقة من الفرونسي داتها بعض اللغات الاوروبية و زادو سقموا فيها شوية و صابو اسم شباب و مليح للبلاد بصح لغات واخداخرين ما بدلوش فالتسمية العربية تاعها قاوي كيما الروسية الاسبانية.

لجغرافياEdit

جاية تونس بين الخطين تاع العرض 30 درجة و 14 دقيقة و 37 درجة و 13 دقيقة في شمال تاع خط الاستواء بين خطي تاع الطول 7 درجة و 32 دقيقة و 11 درجة و 36 دقيقة شرق خط تاع قرينيتش التضاريس تنقسم : ساحل شمالي يتميز كيشغول صخري عالي حداه كاين اعماق بحرية عوج فيه فيه خلجان كبيرة كيما خليج تونس ر رؤوس كراس الطيب و يجي موراه سهول ساحلية ضيقة علا جال الجبال قريبة من البحر اما الساحل الشرقي هو ساحل تاع رملة جاي هابط مهوش معوج بزاف فيه خلجان واسعة كيما خليج الحمامات و خليج قابس و زدج جزيرات جربة و قرقنة الجبال و هي سلسلة وحدة من جبال تاع الاطلس البحري العالية فيها سلسلة خمير الهضاب امتداد لهضبة الشطوط في دزاير تكمل بسهول تاع رملة جاي فيها شط الجريد سطح تاع تونس فيه سهول ساحلسة اللي جاية علي السواحل البحرية اللي طل على لبحر لمتوسط و تكبر في الوسط و الجهة الجنوبية هي امتداد تاع الصحرى تاع دزاير الصحرا تغطي النص الجنوبي من لرض تاع تونس وادي مجردة هو النهر الكبير في لبلاد تنقسم تونس علا ثلاث بلايض كبار : التل الاعلى يغطي قاع الشمال الوسط التونسي وين جاية الفيافي العالية و الهابطة اللي تكمل عند الساحل الشرقي المنطقة الداخلية جاي فالشمال تاعها شط الجريدة و معروفة هادوك البلايص ب الصحراء الكبيرة و الواحات اللي دايرة بوحد الشوية من منابع الماء جاية تونس في اقصى نقطة في الشمال تاع القارة الافريقية و هي راس انجلة.

المناخEdit

تونس جاية في جنوب البلاصة المعتدلة و المناخ تاعها فيه التاثبرات المتوسطية علا هاذيك هو مناخ خفيف و مليح و يلحق متوسط ارتفاع الحرارة 44 درجة في جويلية و 3 درجة في شهر ديسمبر بصح النو طيح بلا انتظام و تتقسم بلا تساوي علا حساب الفصول و الجهات 75 بالميا منها طيح فالشتاء و يفوت معدل النوا 1.500 مليميتر في العام في عين دراهم اللي جاية في اقصى الشمال و تهبط هاذ الحسبة حتى قل من 150 مليمتر في اقصى الجنوب.

البيئةEdit

الحاجة اللي تهدد البيئة تاع تونس هي الجفاف على خاطر تونس تحكمها الجفاف لسنوات ما طيحش فيها النَّوْ و الكُثْرى في الاقليم تاع الجنوب فالحسابات من 1901 و 1980 بان بلي هاذا الاقليم هو المضرار بزاف علا واش يسبب من اضرار بيئية و اقتصادية و خطرا صرا في تونس فيضانات و هي كميات كبيرة من النَّوْ في وقت قليل كيما صْرا في جانفي 1990 في السند و المكناس لي هما دورك قفصة و سيدي بوزيد و في العاصمة تونس في سبتمبر 2003 دار خسارة بشرية و كسَّر قاع البيئة التحتية و راهي تحوس الدولة التونسية تنقص من الفيضانات بصنع السدود والمنشات الحمائية بصفاقص و القيروان بصح التصحر اللي هو توسع للمساحات تاع الصحرا راهي الكثبان تاع الرملة تتقدم وخصوبة تاع التربة راهي تتراجع و السبة تاعها هو الناس زادوا و قواو بلخف زادوا خمس مرات كثر ملي بدا هاد القرن و زادوا كبروا البلايص تاع العمران في بلاصة الغابات و المساحات الخضرين بسبة الزحف العمراني و الرعي الجائر مكافحة التصحر في تونس دايرين في برنامج تاع اليد الصفرلء سنة 1944 دايرينوا علاجال مقاومة الرملة و تشييد الطوابي و مقوماة الانحراف تاع الماء صنعوا البحيرات المائية و سقموا المراعي قاع هادوك الصوالح الملاح في البيئة تاع تونس بصح عندها بزاف المخاطر تهددها اللي لازم تحوسلها على حل.

الجغرافيا تاع الادارةEdit

لجمهورية تاع تونس تنقسم على 6 اقاليم تاع تنمية : 24 ولاية تتوزع عليها كيما رانا رايحين نشوفوا : الشمال الشرقي فيه ولاية بنزرت، ولاية تونس، ولاية اريانة، ولاية منوبة، ولاية بن عروس، ولاية زغوان، و ولاية نابل الشمال الغربي فيه ولاية جندوبة، ولاية باجة، ولاية الكاف، و ولاية سليانة الوسط الشرقي فيه ولاية سوسة، ولاية المنستير، ولاية المهدية، و ولاية صفاقس الوسط الغربي فيه ولاية القيروان، ولاية القصرين، و ولاية سيدي بوزيد الجنوب الشرقي فيه ولاية قابس، ولاية مدنين، و ولاية تطاوين الجنوب الغربي فيه ولاية قفصة، ولاية توزر، و ولاية قبلي

الجغرافيا تاع البشريةEdit

الاعمار و التنمية في الفضاء تاع تونس ماهومش كامل متكافئين على حساب المستويين القتصادي و الاجتماعي كاين فرق باين بين داخل البلاد و السواحل تاوعها اي اتجاه غرب شرق كيما فالولايات الساحلية 13 من مجموع 24 ولاية فيها 65.3 بالميا من كامل السكان فيها قاوي السكان بكثافة كبيرة 140 سكن في الكلمتر مربع و كاين في البلاد قاع 66.3 و معروفة بتنوع اقتصادي عندها مثلا 85 بالميا من المؤسسات الصناعية في بلادها و 87.5 بالميا من الناس الخدامين في هاذ القطاع بلغ عندهم نسبة التحضر 66.3 بالميا في عام 2008 الشبكة تاع الحضارة عندهم جاية على السواحل الشرقية بين بنزرت و قابس و يفوتوا علي العاصمة تونس و لوطن لقبلي و الساحل و صفاقس وين كاينة اهم المنشات الاقتصادية و كاين 80 بالميا من السكان لمتحضرين.

تاريخEdit

العهد الاسلاميEdit

قعد الاسلام فيها مورا 3 فتوحات وحدة مور اختها تعرفت بالمقاومة الكبيرة مع البربر بصح متعربوش شعوب تع ذيك البلاصة حتي بعد قرون ظويلة كانت الفتوحات اللولة في عام 647 م فتحو فيها العبادلة علا جال القايدين تاوعها يسموهم عبدالله و كان الاسم تع المعركة التالية هو معركة سبيطلة فما فتحوا المدينة و قتلوا الحاكم الظالم يسموه جرجيريورس ولا كيما كانوا يسموه هما جرجير و حبسوا بنتوا داروا الحملة الزاوجة ف 661 م و فيها سيطروا على بنزرت و الحملة الثالثة لي فراو بيها كلش كان القايد تاعها عقبة بن نافع عام 670 م و اسوا فما مدينة القيروان لي رجعة امبعد القاعدة الامامية للحملات الجاية في افريقية و الاندلس بصح كي قتلوا عقبة بن نافع في 683م قريب فشلت الحملة و كا لازم عليهم حملة رابعة و التالية قادها حسان بن النعمان عام 693 م بينت سيطرة المسلمين على افريقية رغم المقاومة الواعرة و الصعيبة من البربر اللي قادها الكاهنة بصح سيطروا على قرطاج عام 695 م غلبوا خطرات البربر و استرجعوا البزنطيين قرطاج عام 696 م بصح المسلمين سيطروا عليها دربة وحدة في 698 م و قتلوا الكاهنة في هداك العام بصح قرطاج معاودتش رجعتلها الهيبة تاعها امبعد بدلوها بميناء تونس القريب اللي كان مركز لي يقلعوا منوا الغزوات في البحر لجيهة صقلية و جنوب تاع طاليان ماكتفوش الفاتحون بالسيطرة على السواحل زادوا قدموا فالبر و نشروا العقيدة تاعهم في وسط البربر اللي رجعوا من ذاك الوقت راس الحرية في الفتوحات الجاية و خاصة في الاندلس اللي قادها طارق بن زياد في القيروان كا كاين بزاف مراكز يعلموا فيهم الاسلام و امبعد معهد الديانة و معهد الحكم بدا ينشر فالفرق الاسلامية اللي متنتميش الي اهل السنة و خاصتا الفكر الخارجي نور الاسلام اشرق في مكة المكرمة ببعثة النبي محمد صلى الله عليه و سلم و دخلوا الناس في دين الله افواجا و كي توفى النبي صلى الله عليه و سلم كا السلام ساي دخل في قاع الجزيرة العربية و امبعد انتشروا الصحابة في الخارج باش يفتحوا و ينشروا دعوة الاسلام و قل من لربع قرن فتحوا العلراق و بلاد الشام و مصر و كي فتحوا المسلمين مصر نهائيا عام 21 ه جا عمروا بن العاص فتح برقة بين الاسكندرية و طرابلس في ليبيا عام 22 ه و طرابلس عام 23 ه و خلي شوية من حبشة باش يحافظ على البلاد المفتوحة و نشر الاسلام بين الناس تاوعها اللي حلي حب يدخل للاسلام و كان بيناتهم عقبة بن نافع الفهري اللي كان عندوا شان كبير موراها فالتاريخ تاع افريقيا و المغرب و كي قريب يفتح عمروا بن العاص افريقية اللي هي تونس باش يفتحها سقسى امير الؤمنين عمر بن الخطاب رضي الله عنه و جاوبوا جواب حاسم اللي هو لا في هاذاك العام 22 ه بات عمر بن الخطاب ليلة مهموم يخمم شكون راح يولي على الكوفة الاهل تاعها قالولوا منقبلوش عمار بن ياسر و مبعد ابو موسى الاشعري ولات ولاية الكوفة بلاصة تاع قلق و قدام الفتوحات تاع المسلمين في ارض البحرين و فارس و السند و الترك و الاكراد و مصر قلق عمر بن الخطاب و حس بلي الاحداث راهم يتسارعوا كي بغا عمر بن العاص يتقدم من جيهة الروم اللي هي تونس مخلاهش و مبعد بالاربعاء 27 ذي الحجة عام 23 ه الموافق ل 3 نوفمبر 644 م هو النهار لي دربوا عمر بن الخطاب بموس ابي لؤلؤة المجوسي و دفن يوم الاحد 7 نوفمبر 644 م الموافق ل للاول من 24 ه فدفن معه العدل في ذاك اليوم اومبعد جات الولاية تاع عثمان بن عفان رضي الله عنه نهار الاربعاء 4 محرم 24 ه فعزل عمروا بن العاص عام 26 ه وولي عبد الله بن سعد بن ابي سرح على مصر سار و كان معاه عقبة بن نافع الفهري على راس الجيش كان فيه 20 الف قال الطبري خرج منهم عشرالاف من قريش و الانصار و المهاجرين و نعرفت هاذي الغزوة بغزوة العبادلة السبع و داروها فمدينة سطبلة عام 27 ه الموافق ل 648 م كي قتلوا قايد الجيش البربري جرجير و صابوا المسلمون في في هاذي الغزوة دراهم مصابوش كيما هما من قبل كانت افريقية اللي هي تونس المخيرة فالفتوحات قاع عند المسلمين قالهم الطبري كانت المخيرة فالسلام و الطاعة و الاهل هي تونس ناسها ملاح وطايعين خير من البلدان لخرين حتي ولاية هشام بن عبد المالك حتى جاو ليهم ناس تاع العراق و فرقوا بيناتهم و نثروهم . عبد الله بن سعد بن ابي سرح القرشي العامري كان يكتب للنبي حتى ازله الشيطان فلحق بالكفر امر النبي باش يقتل يوم الفتح كي كان نهار فتح مكة خزن عبدالله عند عثمان بن عفان و هو اخوه لامه جابوا حتى اوقفه على النبي و كان يبايع الناس قالوا يا رسول الله بايع عبد الله بن ابي سرح و منعد ثلث ايام بايعوا و مبعد جا للصحابة و قالهم ما كان فيكم رجل رشيد يقوم الى هذا كان قاصد عبد الله بن ابي سرح كي شافني حبست من مبايعته و يقتلوا العبادلة السبع : اشهرهم عبد الله بن عمر بن الخطاب و عبد الله بن الزبير بن العوام و عبد الرحمن بن ابي بكر بن الصديق