موريطانيا بشكل طويل لجمهورية لإسلامية لموريتانية هيا بلاد فشمال-لغربي تاع لافريك جاية بين خطي عرض 15 و 27 درجة م شمال و خطي طول 5 و 17 درجة غربا. موريطانيا داخلة فلإتحاد لإفريقي، لاليڨ ٲراب و اتحاد لمغرب لعربي و أو أم في أس، بزيادة علی ٲنها عضو ف لافرونكوفوني. عندها ساحل طولو 600 كيلومتر علا لمحيط لأطلسي ممدود من ندياڨو فالجنوب حتا نواديبو فالشمال. مالشمال محدودة بل جازاير و صَّحرا لغربية ( لمروك دايتها و لجمهورية لعربيةلصحراوية لديموقراطية) ب مالي م شرق و سينيڨال مل جنوب. موريطانيا تشكل نقطة عبور مابين افريقيا تاع شمال و افريقيا لصحراوية، ولي هيا فل حقيقة بلاد متعددة لأعراق، يسكنوها الكحاليش تاع لافريك، سكان للوالا، بول ، صونانكي، وولوف، و بومباراس تمثل 30 بلمية م سكان. المور لعربوبربر يقولولهم لمور لبيوضا (30 بلمية) و أراتان من أصل نيڨرو لافريكان، لعبيد لقدم تاع لعربوبربر يقولولهم المور الكحولا (40 بلمية من السكان) علا حساب التقديرات تاع لاسيا.