مكناس مدينة من المدن الملكية ديال المغرب (العواصم التاريخية ديال المغرب) الربعة، جاية ف شمال وسط المغرب، وسادس أكبر مدينة فيه من حيت عدد سكانها. المرابطين هما لي بناو ف القرن 11 قشلة ديال العسكر لي كانت النواة اللولى ديال مكناس، من قبل ما تولي المدينة عاصمة ديال المغرب يامات كان مولاي اسماعيل، ولد المؤسس ديال السلالة العلوية، سلطانها (1672- 1727). مولاي اسماعيل طور مكناس ببني على الطريقة السبليونية-الموريسكية، ودورها بأسوار عالية وبيبان كبار، لي مزالين شاهدين على الستيل المعماري الإسلامي والأوروپي ديال مغرب القرن 17. المدينة ساكن فيها 632.079 بنادم على حساب إحصاء 2014. مكناس عمالة، وقطب اقتصادي مهم ف جهة فاس-مكناس.