Wp/arq/مازونة
مازونة[1]، مدينة صغيرة جاية ف مركز جبال` الضهرة موقع مازونه ف ولاية غليزان ، بلديه من ولاية غليزان فل جازاير، يقولولها عاصمة الضهره.
اصل التسمية edit
بزاف من الطرجمات شرحو التسميه تاع مازونه :
- كنز يسموه ( موزونه ) تاع وحد لاميره كانت عايشا في مازونه .[2]
- هو اسم تاع قبيله زنات يسموها ماسون .
- عين تاع ما ترجع لمرا يسموها زونه ( مازونه ).
- مدينه رومانية يسموها ماسن .
جيوغرافيا edit
الموقع edit
|سيدي محمد بن علي |سيدي محمد بن علي |- |عين مران | |ولاد مزيان |- |الصبحه |واريزان |القطار |}
قنوات الاتصال و النقل edit
طرقان edit
المدينه يروحو ليها ب ن90 على حساب المحور شمال_جنوب . الطريق تدي ل مستغاليم على طريق مديونه ; على الجنوب ، ل واريزان و واد رهيو وين تتلاقى معا لوطوروت شرق_غرب . الجزء الجنوبي تاع ناسيونال 90 المعروف ب الطلعه تاع "هقيف" لي تستحقها . مشي من العاده باه يتكروازاو المركبات الحابسه فل علالي تاع شاطو تاع لما (جاي فل قمه) باه يديرو كامل المبرد . ال و101 يوصل لعين مران و شلف على الشرق و ل سيدي محمد بن علي على الغرب .
مطار edit
المطار لي قريب ليها هو تاع شلف ، مطار ابو بكر بلقايد ، جاي ب 45 كم على الشرق .
تاريخ edit
ف الفتره تاع لاسلام للي يرجع تاريخها ل ما قبل العثمانيين، مازونه كانت العاصمه الكونفيديراليه تاع ماغراوس، قبيله بربريه كبيره لي منها لحكايه بدات مل بدايه تاع لهوا لول تاعنا فل جازاير دروك .
الراحل الاسباني لويس دال مرمول كارفاجال ، قال بلي مازونه تاست ف الفتره الرومانيه ولا قبل الميلاد ، على خاطرش صاب قطع اثريه رومانيه ، بصح ابن خلدون فترض بلي المدينه تاست على يد منديل ابن عبد الرحمان على القبيله المغراويه .[3] الادريسي وصف مليح المدينه ول مارشيات تاوعها ، بصح مادارش تلميح على ل اقدميه تاعها .[4] هي العاصمه اللولا تاع بايلك تاع الغرب ف وقت العرش الدزيري ، مازونه هي البلاصا الدينية و الاستراتيجيه المهمه خمسالاف كولوغليس يحرسو المدينه على خاطرش هادي المدينه ما تمتلكش التحصينات .
الحاكم اللول سايح باي . كانت عندو السلطه على البلاد . حداعش باي حكمو المقاطعه منذ سعد باي، بصح العدد بقا ماهوش ماكد. شعبان باي (مازونه) دار الحرب ضد الاسبانيين تاع وهران . مات فل محاصره تاع وهران .
ملي كان الاستعمار الفرنساوي فل جازاير، المدينه نعرفت بل مقاومه تاعها ، بل عنف تاع القمع الفرنساوي . لارمي اتاع ل استعمار رجع ليها ب التدمير، الحرق ، النهب ، و ل اباده ، منتاشره ، بزاف فل كهوف وين رجعو الرجالا النسا الدراري و لحيوانات .
شخصيات عندها علاقه ب مازونه edit
- مولاي بلحاميسي تاريخي زاد في مازونه .[5]
- شيخ مصطفى رماسي قرا في مازونه .
مراجع edit
المراجع edit
- ↑ [1] مازونة
- ↑ [http:], مولاي بلحاميسي تاريخ مازونه ص 21.
- ↑ texte du lien, تاريخ تاع البربر و تاع السلالاه المسلمه ف افريقيا الحجم 3 ابن خلدون ص 314..
- ↑ Idrissi, La première géographie de l'Occident, III, 1, Flammarion, 1999, p. 176., الادريسي .الجيوغرافيا اللوله تاع الغرب ص 176.
- ↑ [2], الحاج مولاي بلحاميسي (1930-2009).الوطن 5افريل2007.