الماريكان تاع الجنوب هي شبه قارة و القسم الجنوبي تاع الماريكان. علا حساب الريَّان؛ شبه القارة هادي جاية كامل في نصف الكرة الغربي ورئيسيًا في نصف الكرة الجنوبي. محدودة من الغرب بالمحيط الهادي ومن الشمال، ومن الشرق بالمحيط الأطلسي. الماريكان الوسطانية اللي تربط الماريكان تاع الشمال و الكاراييب جايين فالشمال الغربي. البرتڨالية و ليسپانيول هوما الزوج لوغات اللي يحسبو العدد الكبير تاع اللي يهدرو بيهوم فلماريكان تاع الجنوب. الماريكان تاع الجنوب كانت تتسما ف ساندييدي فوسج فل 1507 عند الخرائطي مارتن والدسيمولر و ماثيا رانڨمان من عند اميريكو فيسبوتشي اللي كان الأوروبي اللول الل ي قترح بلي الماريكان ماكانتش الهند مي عالم جديد مايعرفوهش الأوروبيين. الماريكان تاع الجنوب عندها ميساحة تاع سبطاشن مليون و ثمنمياوربعين ألف كيلومتر كاري واللي تمثل حداش فاصل تسعة بلميا من مساحة سطح الأراضي الباينة فوق كوكب الأرض..فل 2015؛ عدد السكان تاعها جوايه 410 ملاين ساكن. و يعيطولهوم ليسوداميريكان.