لواى، هيّا لوغة برماجيّة سكريبتيّة حُرّة، ريفليكساويّة و آمارية.
مخلوقة ف 1993، التصواب تاعها ندار باش تكون محمولة في تطبيقات وحدُخرة، باش ينزاد ف القُدرات تاعها. لواى (الّي المعنا تاعها قمرة ف اللوغة البرتغالية)، ختارعها لويز هانريك دو فيكيريدو، روبارتو ليروساليمشي و فالديمار سيلاس، عضاو ف الجماعة تاع البحوت تيكڭراف TeCGraf تاع الجاميعة البونتيفيكالية الماسيحيّة تاع ريّو دي جانيرو ف البرازيل.
الفسّار لواى مكتوب ب لوغة سي آنسي (language C ANSI) نقيّة، و هاد الشي يديروْ قابل التكمبيل ف شحال من طبع تاع السيستامات. و جاي تاني مقصور بزّاف، باش نمتّلوا، الطبعيّة 5.0.2 تاعوْ توسع ما بين 95 و 185 ko، على حساب السيستام تاع التكمبيل و السيستام الي غادي يتطلّع فيه. هوّا تاني مستعمل ف السيستامات المحمولة كيما أوبن ويرت (OpenWrt) وين هاد القصوريّة تعاون بزّاف. يستعمل تاني القابلية تاع اللوغة سي (language C) معا شحال من لوغة تاع التبرميج و هاد الشي يردّوْ ساهل باش يكون مدخول ف الكتريّة تاع البروجيات.
لواى تعاون بزّاف ف التبرميج تاع اللعابي تاع الفيديو (Jeux vidéo).