Wp/arq/كيليان مباپي

كيليان مباپي٬ زاد في 20ديسمبر 1998 هو جوور عالمي فرنساوي لعب في الهجوم مع سان جيرمان .

كيليان مباپي

كيليان مباپي مع ليكيپ تاع فرنسا ضد روسيا في 27 مارس 2018.

الوضع ذوكا

ليكيپ : پاريس سان ݼيرمان (مسلفينو من عند آ اس موناكو )

رقم : 29

بيوڨرافي

الاسم : كيليان مباپي لوتين

الجنسية: فرنساوي

تاريخ تاع الميلاد : 20 ديسمبر 1998 (19 عامًا)

الپلاصة : پاري ( فرنسا )

لا تاي : 1.78 م (“10‘5)

الپيرودا پرو. : 2015 -

الپوست : ايليي دروا

رجلو لي فور بيها: ايليي دروا

الپاركور تاع صغر

العام : النادي

2010-2013 : آ اس بوندي

2013-2015 : آ اس موناكو

الپاركور پروفيسيونال

العام : النادي م.(ب.)

2015- : آ اس موناكو 60 (27)

2017- :←پاريس سان ݼيرمان 42 (21)

الاختيار تاعو في ليكيپ ناسيونال

العام : ليكيپ م.(ب.)

2014 : فرنسا 17-عام 2 (0)

2016-2017 : فرنسا 19-عام 11 (7)

2017- : فرنسا 12 (3)

في 2017/2016ربح مع ليكيب اس موناكو شمبيونا تاع البطولة تاع فرنسا في الدور الأول سورتو فشمبيونا وهذا من المواهب الكبيرة في فوت بال عالميا.

في مارس 2017 كان في عمرو 18 سنة شرف ليكيب تاع فرنسا. في 31اوت نهار لاخر تاع لمير كاتو سلفوه لباريس سان جرمان وهداك نهار ماركا بوت فليكيب تاع فرنسا.

وكلاصا بلاصا السابعة في الكرة و فلافان تاع 2017 تكلاصا مع اللاعبين لولين كامل لاليست لولا هدا كامل كي كان تسعطاش سنة .

بيوڨرافي

الشباب تاعو والتدراب

زاد ف 20 ديسمبر 1998 ف باريس ,

كان مع لترشحوا لمخيرين تاع ليجوور في أوروبا بيسك فور بزاف و لعب تان اول ماتش مع ليكيب تاع فرنسا عيطولو في كأس العالم كونتخ لوكسمبورغ و سبانيا في مارس 2017دخل يلعب الماتش في الدقيقة 78.تما ولا هو تاني اصغر جووور مور ماريان ويسبيسكي و كان في عمرو 18سنة. يلعب بزاف فور هايل حتى قال عليه ارسين فينغر بلي مبابي موهبة بزاف عظيمة و كيفاش يلعب ويلعب لعب كيما تاع تييري هنري حياتو الشخصية هو باباه من الكاميرون و مدرب تاع بالون و عندو خوه مربيينو وسمو جيريس كيمبو إكوكو هو تاني جوور فور و يماه دزيرية وسمها فايزة هي تان كانت تلعب البالون وعندو خوه صغير وسمو أديمي مبابي سما لافاميل كامل تاع بالون . مبابي بدا البالون في اس بوندي وين لعب سيباستيان كورشيا . ستيفن جوزيف مونروز و جوناتان ايكوني ف 2011 ختاروه ف سونتر تاع كلارفونتان مع الجيل 1998 مع ارنولد نوردين الصحافية تاع الموند كانت تبع هاد ال فورماسيون . كان يقرا فان ف كولاج تاع كاترين دو فيفون في رامبولي كي سلك التدريب في كلارفونتان في 2013 عيطولو بزاف لي اكيب في فرنسا سورتو ليكيب تاع كان لي دار معاه اتفاق. و بارا من فرنسا عيطولو ريال مدريد و شيلسي مع التالي راح لسونتر تاع الفورماسيون تاع موناكو كي طلعت لالبروميار ديفيزيون في سبتمبر 2014 كي نجح عيطولو زوج خطرات في ليكيب ناسيونال تاع فرنسا قل من 17 سنة

الكاريار تاعو في النادي

آ اس موناكو (2015-2017)

كيليان مباپي,ديبورد قبل ما يمدپس ديسيسيڣ إلى توماس ليمار بسونتر في البارة الزاوجة ،في 6 ماي 2017 في ليڨ 1 كونتر نانسي في ستاد مارسيل-پيكو

في ديبو تاع العام 2015 / 2016 ثلاث مرات و هوا يماكي 3 بيات في ماتش مع ليكيب تاع موناكو قل من 19 سنة مور ما بدا يلعب في ليكيب الدوزيام وين ماركا معاها لبيات لاولا تاوعو في نوفمبر 2015 جاب الباك تاعو في سبتمبر 2016 برونش إدارة العلوم والتكنولوجيا و الادارة مبابي لعب فب لول ف 2 ديسمبر 2015 ماتش تعادلو فيه (1 / 1) في بلادهم مع كان. كان في عمرو 16 سنة و 11 شهر مالحقش 17 سنة. دخل رومبلاسو ف بلاست كونتراو في الدقيقة 88 . كان أصغر جوار لعب ف موناكو ف الليغ01 ، طيح الرقم تاع تيري هنري من عام 1994 هاذا الرقم طيحو ف 2018 بيترو بيليقري ف 20 فيفري 2016 ماركا مبابي البيت تاعو اللول كمحترف ف التون باردي كونتر اس تروا (3_1) كي لحق في عمرو 17 سنة و 62 يوم كان هو الصغير قاع في ليستوار تاع اس موناكو في 06 مارس 2016 سينيا لكونترا لولا تاعو كمحترف سينيا 3 سنين مع موناكو حتا لافا تاع جوان 2019. دا لاكوب تاع كامبارديلا ف صيف 2016 مع ليكيب قل من 19 سنة تاع موناكو وين ماركا زوج بيات ف لافينال كونتر لونس .

موراها بسمانات دا لاكوب تاع لوروب قل من 19 سنة وين ماركا 4 بيات في لميركاتو تاع 2016 مانشستر سيتي عطاولهم 40 مليون أورو و ما بغاوش يبيعوهلهم ، ماركا 3 بيات تاوعو لوالا ف الليغ01 كونتر ماتز موراها ب 10 أيام ماركا لبيت تاعو لول ف الليغ دي شومبيون كونتر مانشستر سيتي و صار أصغر جوار مور بنزيما .

پاريس سان ݼيرمان (من عام 2017)

كيليان مباپي في ليشوفمو معا آ اس موناكو كونتر نانسي في ستاد مارسيل-پيكو في 6 ماي 2017.

ليكيپ تاع فرنسا

مباپي في محاولة مع ليكيپ تاع فرنسا ضد ليكيپ تاع روسيا في 27 مارس 2018.

لي ستاتيستيك

مرتبة ناع الشرف

شوف ثاني