الفومپير هو نوع من أنواع [ المخلوقات الخيالية] الي معروفين قاوي،جاي من بزاف[ميتولوجي] وين تجتمع فيهم الخوف من الموت و السر تاع الدّم.
على حساب شحال من ثقافات و إشاعات, هاذا الوحش يتغذى على الدم تاع الهوايش باش يجيب القوة الحيوية نتاعو و ڨاع لي ڤيكتيم تاوعو يرجعو دي فومبير كي يعضهم ( كيما لي لو ڨارو). أصل الأسطورة تاع لي فومبير جاية من ميتولوجي قدم و تنجمو تلڨاوها عند ثقافات مختلفة في ڨاع العالم.
الشخصية تاع الڤومپير بدات مشهورة في لوروپ فالبداية تاع القرن ثمنطاعش(18). متوال العام 1725،كلمة "ڤومبير " بدات تبان فالاساطير تاع [ أرنولد پاول] و پيتر پلوڨوبوڤيتز] زوج جنود أُتريشيين ماتو فالحرب الي كانت بين المملكة تاع لوتريش و المملكة العثمانية او رجعو للحياة باش يسكنو ( على أساس أرواح) على شكل ڤومپير في زوج ڤيلاجات الي يسموهم "مدڤيقيا"و "كيسيلييڤو". و علا حساب هاذو الأساطير لي ڤومپير جايين كيما الجثث لابسين كفن ،كي يزورو الاقارب تاوعهم يسلطو عليهم الموت والدمار. ميكائيل رانفت كتب كتاب الي يسموه ذو ماستيكاسيون مورتيو روم إين توموليس (De masticatione mortuorum in tumulis) في 1728. في هاذا الكتاب يدير تحليل على هاذي الاسطورة تاع لي ڤومبير ،المخلوق الي يرجع للحياة راه بطريقة شاملة و للمرة اللولة معتبر على أساس ڤومپير لا خاطرش [ رانفت] استعمل الكلمة باللغة [ سلاڤ] :" ڤومپير". وراها [ أوڨيستان كالمي ] وصفو في كتابو [ ترپتي سور لي أپاريسيون] فال1751كيما :" مخلوق يرجع للحياة بصح بصح بجسم" باش يفرق بينو او بين الأشباح الي كي يرجعو للحياة يكونو ب روح بلا كور و الڤومپير عندو كور كيما [ستريڨ]،[الأشباح] والارواح كيفهم.
مع الوقت انعطات التبرييرات باش تبين بلي هذي الأسطورة راهي تدور على ڨاع العالم او اهيش كاينة في پلاصة وحدة برك اومن هاذو التبريرات كاين الحالات تاع تعفن الأجسام و الجثث ،الناس الي يندفنو حيين ولا الي تحكمهم الأمراض كيما تيشپر كيلوز ،كلوبية و الپوفيري او كاين فاني الڤوسپيريزم كلينيك الي كانو مأثرين على القتالين الي كانو يشربو الدم تاع الي ڤيكتيم تاوعهم ،كانو كاينين تبريرات علمية و سوسيولو جيكيا الي حاولو يفهمو علاش الأسطورة تاع لي ڤومپير خرجت او ليَّه مازالت مشهورة في هاذي الفترة.
الشخصية الكارزمية والراقية تاع الڤومپير المعاصر الي نعرفوها خرجت في الكتاب تاع جون پوليدوري الي يسموه ذو ڤومباير،في 1819 وين الشخصية الأساسية خرجها لورد بايرون ،بما أن بوليدوري كان الطبيب الشخصي تاعو .الكتاب دار سيكسي كبير ،بصح في ال1897 مع الكتاب دراكولا تاع برام ستوكر فماك الي بان مليح الڤومپير ،الكتاب معتاببرينو الأصل تاع هاذا النوع تاع الحكايات ،كان فاني يهدر على الڤومپير المشهور والي مازلنا شايفينو بنفس الطريقة والي مازالو يوصفوه بهاذي الطريقة في الكتوبا تاع الخيال العلمي بالرغم أنو بعيد بزاف على الأصل تاع الڤومپير الي ڨاع مايشبهلهمش والي تبدل عليهم بزاف مع السينيما الڤومپير المعاصر رجع شخصية مشهورة بزاف او هاذا حتى في لي دومان كيما الأدبو الألعاب والميكيات ،الناس مازالها تآمن بهاذي المخلوقات او كاين الڨوتيك الي يآمنو بيهم بزاف.
أصل كلمة فومپير
editكلمة "فومپير" نعطات باش تبيّن بلّي رانا نهدرو لدعلى مصاص الدماء، بصح لكلمة بحد ذاتها تتبدل ملغة لختها، و حتى كيفه موصوف والخصائص لي مرتابطين بيهو يتبدلو. على حساب القاموس أوكسفورد إنغلِش ديكسيوناري (Oxford english dictionary) كلمة "فومپير" بانَت فل لُغة الإنجليزية في عام 1734 فلكتاب لي سموه ترافل إوف ثري إنغلِش جنتلمَّن (travel of three english gentlemen) لي تپيبليا في هارلاين ميسيلاني في عام 1745 . هي بِفضل اللغة الإنجليزية لي هَذي لكلمة نتاشرَت فل عالم، و هذا بإستعمال الأدب الإنجليزي و الشِعر و وراها باستعمال السينيما.
بصح المصطلح الإنجليزي هو بحد ذاتو دايِينو مل لغة لفرانساوِية "vampyre" لي هِيَ فان دايِينها من لالمون "vampir" لي بانَت فل قرن ثمنطاعش(18) فل لوغات سارب (serbe) و كرُوات (croate) لي تنكتب : "vāmpīr". في فرانسا القاموس "لو نوفو لاغوس إِلوستري" (le nouveau Larousse illustré ) لي خرج فل عام 1900 هو القاموس اللوّل لي عطالو تعريف "موتا يَخُرّجو مقبوراتهم و يفضلو يخرجو فلِيل باش يعذبو لحَيِين ول أكثرِيا تاع لوَقت يمُصولهم الدم من عنقهم و مرات وحدوخرين يجَيفوهم حتى يقتلوهم [7]" و على حساب شاكاين فلكتوبا، اللُوّل لي عطاولو إسم "فومپير" هوَ وحد الراجل من سَرّبيا سموه "أدآرنولد پاول". الكلما بانَت كي لا سيربي بدات تابعا لل لوتريش مور لا فيان دات الكنترول تاع الشمال تاع لاسيربي و لوتيني (l'otenie) بإتفاقية تاع پاسافوريتز (passaworitz)، فل العام 1718، التقريرات هَدرو على حالات لي بداو الجثث يخجرخوهم مقبوراتهم و قتيلات قالو بلي داروهم لي فومپير. هَذو التقريرات لي نكتبو قاع ما بين 1725 و 1732 دارو حالا و قاع الجرانين تاع هاذاك الوقت كانو يهدرو عليهم. على حساب الفاسمير لي هُوَ الديكسيونير لي معتابرينو المرجع المخيَر ولأساسي لي يمد أصل الكلمات فل لغات الىوسيا ول السلاف، لكلما اللولانيا هِيَ كلمت "أوپير" (upir) لي موجودا في جميع اللغات السلافّيا (langues slaves ). الكاتب دايمن يعاوَد يستعمل الكلما بشكل السلاف (slave) "أوپير" (opir). الكلما "فومپير" إما قادرا تكون جايا مل پولاب (polabe) إما تكون جايا مل پولوني لقديم. فاسمير ماهوش قابل لوريجين تاتار (tatare) لي تقول بلي أصل الكلما جاي مل هندي القديم.
التحوُّل إلى لفومپير
editصوالح لي خلاو لي فمبير يبانو يختالفوا بزاف من فولكور لوحداخر . فلعاداة تاع لعباد و شناوا . كي كاش حيوان يكتل بنادم قط ولا كلب يكدر يرجع ميت حي. ولا كي يكون لجسم مجروح أو ميداواش لبغا يتنقا بالما يكدر يولي فمبير . في الفولكلور تاع الروس لفمبير باش يولو سحارين ولا ناس متمردين لازم يكونو كنتر لقليز . الإعتقادات تقول بلي كل واحد ينقتل من طرف فمبير يولي فمبير .
من جهة الأدب و ثقافة الشعبية فمبيريزم هو نتيجة تاع اللعنه و الفمبير كيكتل واحد يبكا فيه فمبيريزم. كي يبدا يتحول سوالح لوالا ليبانو فيه نيابو يبانو .
طريقة وحدخرا في الثقافة الشعبية الدم يتخلط كي يبدا يسيل وهكا يخليه يتحول بشويه ويندر بزاف منبعد يتغاشا ويولي فمبير.
