| شيخة جنية | ||
| [[Image:|220px|center]] | ||
| السميّة الحقّانيّة: | فاطمة مباركي | |
| خدايمهُ: | مغنية | |
| تاريخ تاع الزيادة: | 1954 | |
| بلاصة تاع الزيادة: | مرحوم | |
الشيخة الجنية ,اسمها الحقاني فاطنة مباركي زادت عام 1954 في بلاصة سموها مرحوم ,و هو دوار جاي في ولاية سيدي بلعباس ,و ماشي بعيدة على سعيدة في دزاير و ماتت نهار 1 اڢريل 2004 في سيدي بلعباس , و هي مغنية دزيرية تغني راي لقديم و بدوي ,غنا تقليدي من ريف وهران. يعيطولها شيخة لجنية لخاطرش شيخة بالعامية معنتها السيدة , و جنية هي مرت الشيطان. كان عندها صوت شباب , و تانيك كانت تعرف ترجم.
بيوغرافيا edit
زادت شيخة جنية عام 1954 في مرحوم , لي قريبة لسعيدة. كانت صغيرة بزاف , و سيفوا عليها الزواج , و كي كان عندها 17 عام هربت من دار راجلها . في السبعينات بانت خطرة لولة في الفن كي ولات تخدم فلحفلات و عروسات .غناها تقليدي , و معاها وحدين معروفين لي يعزفوا الفلوت كيما الشيخ السموري , الشيخ عطو , محمد مير ومحمد القصاصبي. تغني راي تقليدي بصح سيرتو بدوي وهراني , و هوما في زوج ستيل تاع وهران.
في هاد ميليو غادي تتلاقا معا زواوي قيس خنوس , كتاب في المحكمة فالنهار و تانيك يكتب غنا و براح فالعشية , و غادي يولي راجلها و تجيب معاه 5 دراري.
فالنص تاع ثمانينات جددت ستيل تاعها باش يدخلها في حقبة جديدة من النجاح.ولات تقدم أمسيات كبيرة في غرب دزاير و تانيك حفلات موسيقية دولية سيرتو في أوروبا.
مالڤري هاد سوكسي , الشيخة الجنية فاتت على محاين بزاف في حياتها , بسبا تاع القيود لي ترجع على الرقابة السياسية و اعلامية و على جال الغنا لي كان محرج و لخاطرش ميتوافقش مع بخانسيب تاع الشعب.في عام 2003 مغنية صراتلها خلعة لي هي موت تاع راجلها.
الشيخة جنية (الحقانية بنت سعيدة لي معنتها"الحقيقية ، بنت سعيدة") كيما يعيطولها باش يفرقوا بينها و بين شيخة جنية صغيرة لي معنتها الصغيرة لي دات اسمها و ستيل تاعها باش تخلد شيخة تاعها.ماتت عام 2004 بسبة اكسيدو في الطريق لي يربط بين سيدي بلعباس و تلمسان , و بين بلدية بن باديس وعين تلوت.[1]
خدمتها edit
كانت فاطنة المباركي من صغرها, تبغي بزاف مغنيين دزيريين و لعرب كيما الشيخة الريميتي , فريد الأطرش , عبد الحليم حافظ , أم كلتوم , تركت لفامي تاعها و دار راجلها كي كان في عمرها 17 عام , مور ما سيفوا عليها الزواج.شافها شيخ عيسى , مغني وموسيقي بدوي, فالبدية تاعها غنات معاه فلعراس و فطهارات.
في عام 1970 سينيات ألبومها لول تحت قيادة الحاج مازو , مغني بدوي , لي غادي يعمد الجينية ("الشيطان") بسبة لڢوا تاعها. في عام 1987 , ربحت في ديو مع الشاب عبد الحق , مغني قديم تاع راي , في الثمانينات و التسعينات, بفضل لقب راه يڤابر، ولكن بأسلوب جديد أكثر حداثة لي هو الراي صناعي.
في مسيرتها الطويلة جنية تميزت بغناها كيما كاين ربي، ها نونو ، تريڤ بيدو ، كي ندير و نديرله ، درتو فينا دجورنان ، تراب الغدار . مور فترة طويلة كاين بزاف مغنيين الراي تاع دروك داو غناها.الجنية كانت الوريثة للشيخة الريميتي.[2] في عام 2004 خرجت كريون موزيك (Créon Music) صندوڤ فيه 3 سيديات بعنوان لي سوڢونيغ. كرست فيرجيني لو لوي كتاب في عام 2000 سماته جنية و الراي نشراته عند ڤاليماغ جونوس(Gallimard Jeunesse) و زادت دارته في سيدي.و كرموها شحال من خطرة على الصعيدين الوطني والدولي.[3]
ديسكغرفي edit
في مسيرتها المهنية خرجت شحال من ألبوم كيما :
1987:راه يڤابر (معا الشاب عبد الحق)
1987:خويا مايجيش
1988 :على محنتي نسكر
1989 :شاب راسي
1990 : ديري داي داي
1990 : سبيسيال راي
1993 : شيطانة تاع راي
2004 : سوڢونيغ
مراجع edit
- ↑ https://fr.wikipedia.org/wiki/Le_Soir_d%27Alg%C3%A9rie «شيخة جنية دارت اكسيدون فالطريق » 4 افريل 2004.
- ↑ https://fr.wikipedia.org/wiki/El_Watan ك اسماعيل,,«شيخة جنية ولا الشيطانة تاع راي »19 ديسمبر 2004
- ↑ https://fr.wikipedia.org/wiki/El_Watan «م عبد الكريم, يوم تكريم الفنانة "الشيخة جنية وجيلالي راينا الراي" » 10 جوان 2009
بيبليوغرافيا edit
- بوزيان الداودي ، الحاج ملياني ، مغامرة الراي: موسيقى و مجتمع ، ص. 12 ، اصدارات سويل ، 1996 ، 280 (ISBN 2020255871)
- فيرجيني لو ، لوران كورفايزيه ، ڤويوم دو ريموست ، جنية و راي ،ڤاليماغ جونوس ، 2000 ، 32 صفحة (ISBN 2070542033)